କେନ୍ଦୁଝର: ସୋମବାର ସକାଳୁ ଟାଉନ ଥାନା ଅନ୍ତର୍ଗତ ଶିରିଷପାଳ ପଞ୍ଚାୟତର ବାଦାମପଟି ଗ୍ରାମ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । 20 ନମ୍ବର ଜାତୀୟ ରାଜପଥର ଏହି ବାଇପାସରେ ଏକ 12 ଚକିଆ ଟ୍ରକକୁ ପଛପଟୁ ପିଟିଥିଲା ଦ୍ରୁତ ବେଗରେ ଆସୁଥିବା ଏକ 14 ଚକିଆ ଟ୍ରକ । ଘଟଣାସ୍ଥଳରେ ହିଁ ଡ୍ରାଇଭରର ମୃତ୍ୟୁ ହୋଇଥିବା ବେଳେ ଘଟଣାସ୍ଥଳରେ ଉତ୍ତେଜନା ଲାଗି ରହିଛି ।
12 ଚକିଆ ଟ୍ରକକୁ ପିଟିଲା 14 ଚକିଆ ଟ୍ରକ, ଡ୍ରାଇଭର ମୃତ
ସୂଚନା ଅନୁଯାୟୀ 12 ଚକିଆ ଟ୍ରକଟିର ବ୍ରେକ ଖରାପ ହେବାରୁ ଏହା ରାସ୍ତା କଡରେ ଛିଡା ହୋଇଥିଲା । ଏହି ସମୟରେ ଯୋଡ଼ା ଅଭିମୁଖେ ଯାଉଥିବା 14 ଚକିଆ ଟ୍ରକଟି ଛିଡ଼ା ହୋଇଥିବା ଏହି ଟ୍ରକକୁ ପଛରୁ ପିଟିଥିଲା । ଫଳରେ 14 ଚକିଆ ଟ୍ରକର ଡ୍ରାଇଭର ଘଟଣା ସ୍ଥଳରେ ହିଁ ଆଖି ବୁଜିଥିଲା । ଖବର ପାଇ ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିବା ଜଣା ପଡ଼ିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
