ଆନନ୍ଦପୁର: କେନ୍ଦୁଝର ୨୦ ନଂ ଜାତୀୟ ରାଜପଥ ନିକଟ ଧକୋଠା ଓଭର ବ୍ରିଜ ନିକଟରେ ସଡ଼କ ଦୁର୍ଘଟଣା । ଟ୍ରକ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି ।
ମୃତକ ଜଣଙ୍କ ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ ତଳଦୁମୁକା ଗାଁର ସୁଧାଂଶୁ ନାୟକ ବୋଲି ଜଣାପଡିଛି । ସୁଧାଂଶୁ କେନ୍ଦୁଝରରେ ଏକ ସଂସ୍ଥାରେ କାମ କରନ୍ତି । ସେ ବାଇକ ଯୋଗେ ନିଜ କାର୍ଯ୍ୟସ୍ଥଳୀକୁ ଯାଉଥିବାବେଳେ ଏକ ଟ୍ରକ ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କ ଜୀବନ ଚାଲିଯାଇଛି ।
ଦୁର୍ଘଟଣାର ଖବର ପାଇ ଘସିପୁରା ଥାନା ପୋଲିସ ଘଟଣାସ୍ଥଳର ପହଞ୍ଚି ମୃତଦେହ ଜବତ କରିଛି । ତେବେ ଧକୋଠା ଓଭର ବ୍ରିଜ ଠାରେ ରାସ୍ତା କାମ ସରିନଥିବାରୁ ବାରମ୍ବାର ଏପରି ଦୁର୍ଘଟଣା ଘଟି ଲୋକଙ୍କ ମୃତ୍ୟୁ ହେଉଥିବା ଜଣାପଡିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
