କେନ୍ଦୁଝର: ଜିଲ୍ଲା ହରିଚନ୍ଦନପୁର ବ୍ଲକରେ ଅପରାହ୍ନରେ ହୋଇଥିଲା ପ୍ରବଳ ବର୍ଷା । କଙ୍କଡାନାଳଠାରେ ଟ୍ରେନଓଭର୍ ବ୍ରିଜ କାମ ଚାଲୁଥିବାବେଳେ ଅନ୍ୟପଟ ଦେଇ ଯାଉଥିବା ରାସ୍ତା ବର୍ଷାରେ ଧୋଇ ହୋଇଯାଇଥିବା ସୂଚନା ମିଳିଛି ।
ବର୍ଷାରେ ଧୋଇଗଲା ରାସ୍ତା, ଯାତାୟାତ ଠପ୍
ସଗଡ଼ପଟା ଷ୍ଟେସନ ନିକଟସ୍ଥ ଖଡ଼ିବାହାଳୀ ଛକ ନିକଟରେ କଙ୍କଡାନାଳ ଠାରେ ଟ୍ରେନଓଭର ବ୍ରିଜ କାମ ଚାଲୁଥିବାବେଳେ ଅନ୍ୟପଟ ଏକ ରାସ୍ତା ଦେଇ ଗାଡ଼ି ଯିବା ଆସିବା କରିଥାନ୍ତି । ପ୍ରବଳ ବର୍ଷା ଯୋଗୁଁ ଉକ୍ତ ରାସ୍ତାଟି ସମୂର୍ଣ୍ଣ ଭାବରେ ଧୋଇ ହୋଇଯାଇଛି । ଠିକାଦାର ଛୋଟ ପାଇପ ଦେଇ ରାସ୍ତା ନିର୍ମାଣ କରିଥିଲା ।
ହେଲେ ପାଇପ ଭିତରେ ପାଣି ନ ଯିବାରୁ ରାସ୍ତା ଉପରେ ପାଣି ଯାଇ ରାସ୍ତାଟି ସମ୍ପୂର୍ଣ୍ଣ ଭାବରେ ଧୋଇ ହେଇଯାଇଛି । କେନ୍ଦୁଝର ଓ ଡୁବୁରୀ ରାସ୍ତା ସମ୍ପୂର୍ଣ୍ଣ ଭାବରେ ଯାତାୟତ ଠପ ହେଇଯାଇଛି । ରାସ୍ତାକଡରେ ହଜାର ହଜାର ଗାଡି ଠିଆ ହୋଇଛି । ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
