କେନ୍ଦୁଝର: ଚଳିତ ବର୍ଷ ୩୧ତମ ସଡକ ସୁରକ୍ଷା ସପ୍ତାହ ପାଳିତ ହେଉଛି । ଏହି ଅବସରରେ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ଟ୍ରାଫିକ ସଚେତନତା ଅଭିଯାନ କରାଯାଉଥିବାବେଳେ ଗୁରୁବାର କେନ୍ଦୁଝର ପୋଲିସ ପକ୍ଷରୁ ଏକ ଟ୍ରାଫିକ ସଚେତନତା ଅଭିଯାନ କରାଯାଇଛି ।
ଟ୍ରାଫିକ ସଚେତନତା ବାଣ୍ଟିଲେ କେନ୍ଦୁଝର ପୋଲିସ
ଏହି ଅଭିଯାନରେ ଶତାଧିକ ପୋଲିସ କର୍ମଚାରୀମାନେ ପ୍ରଥମେ ସ୍ଥାନୀୟ ଲାବଣ୍ୟ ଛକ ନିକଟରୁ ଏକ ବାଇକ ଶୋଭାଯାତ୍ରାରେ ହେଲମେଟ ପିନ୍ଧି ସଚେତନତା ସୃଷ୍ଟି କରିଥିଲେ । ପରେ ସମସ୍ତ ଟ୍ରାଫିକ ଛକରେ ପୋଲିସ କର୍ମଚାରୀମାନେ ଫୁଲ ଓ ଚକୋଲେଟ ଦେଇ ହେଲମେଟ ପିନ୍ଧିବା ନେଇ ଲୋକମାନଙ୍କୁ ସଚେତନତା କରିଥିଲେ । ଏହାକୁ ସାଧାରଣରେ ପ୍ରଶଂସା କରାଯାଇଛି।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
