ଆନନ୍ଦପୁର: କେନ୍ଦୁଝର ଜିଲ୍ଲା ହାଟଡିହି ବ୍ଲକ ପଞ୍ଚୁଗୋଛିଆ ପଞ୍ଚାୟତର କଣ୍ଠିଆଡି ଗ୍ରାମରେ ବନ୍ୟାଜଳରେ ଭାସିଯାଇ ଜଣେ ଯୁବକ ମୃତ୍ୟୁବରଣ କରିଛନ୍ତି । ମୃତ ଯୁବକ ଜଣକ କଣ୍ଠିଆଡି ଗ୍ରାମର ବନମାଳୀ ଦେହୁରୀଙ୍କ ପୁଅ ସନାତନ (୧୮) ବୋଲି ଜଣାପଡିଛି ।
ବନ୍ୟାଜଳଲେ ଭାସିଯାଇ ଯୁବକ ମୃତ
ବୈତରଣୀ ବନ୍ୟାଜଳ ପଞ୍ଚୁଗୋଛିଆ ପଞ୍ଚାୟତକୁ ଚାରିପଟୁ ଘେରି ରହିଥିବାବେଳେ ସନାତନ ନିଜ ଚାଷ ଜମିରୁ ଫେରୁଥିଲେ । ମାତ୍ର ଏହି ସମୟରେ ଗୋଡ ଖସିଯିବାରୁ ବୈତରଣୀର ବନ୍ୟାଜଳ ଭାସି ଯାଇଥିଲେ । ଆନନ୍ଦପୁରରୁ ଅଗ୍ନିଶମ ବିଭାଗର କର୍ମଚାରୀମାନେ ପହଞ୍ଚି ଘଣ୍ଟାଏ କାଳ ଖୋଜାଖାେଜି କରିବାପରେ ସନାତନଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ । ପରେ ତାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ନିଆଯାଇଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
