ଆନନ୍ଦପୁର: ଟ୍ରକ୍ ସହ ବାଇକର ମୁହାଁମୁହିଁ ଧକ୍କା । ଆନନ୍ଦପୁର ଦେଇ ଯାଇଥିବା ୨୦ ନଂ ଜାତୀୟ ରାଜପଥର ତାଳଗାଁ ଛକ ନିକଟରେ ଟ୍ରକ୍ ସହ ବାଇକ୍ ମୁହାଁମୁହିଁ ଧକ୍କା ହେବାରୁ ବାଇକ ଆରୋହୀର ମୃତ୍ୟୁ ଘଟିଛି । ମୃତ ବାଇକ ଆରୋହୀଙ୍କ ଘର ଭାଲୁକୁମା ଗ୍ରାମର ରଞ୍ଜନ ପଲେଇ ବୋଲି ଜଣାପଡିଛି । ଟ୍ରକ୍ ସହ ବାଡେଇ ହେବାପରେ ବାଇକରେ ନିଆଁଲାଗି ରାସ୍ତା ଉପେର ବାଇକଟି ହୁତୁହୁତୁ ହୋଇ ଜଳିଯାଇଥିଲା । ଫଳରେ ଦୀର୍ଘ ସମୟ ଧରି ସେହି ରାସ୍ତାରେ ଗାଡି ଚଳାଚଳ ବନ୍ଦ ରହିବା ସହ ଗାଡି ଗୁଡିକ ଅଟକି ରହିଥିଲା ।
ଖବରପାଇ ଘସିପୁରା ଅଗ୍ନିଶମ ବିଭାଗ ଓ ପୋଲିସ ପହଁଞ୍ଚିବା ବେଳକୁ ବାଇକଟି ସଂପୂର୍ଣ୍ଣ ଜଳିଯାଇଥିଲା । ଘସିପୁରା ପୋଲିସ୍ ମୃତଦେହ ଉଦ୍ଧାର କରି ଏକ ଆମ୍ବୁଲାନ୍ସ ସହାୟତାରେ ଆନନ୍ଦପୁର ଡାକ୍ତରଖାନାକୁ ପଠାଇଛି । ତେବେ ବାଇକ ଆରୋହୀ ରଙ୍ଗରୁଟରେ ଗାଡି ଚଳାଉଥିବାରୁ ଏହି ଦୁର୍ଘଟଣା ଘଟିଥିବା ଜଣାପଡିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
