କେନ୍ଦୁଝର: ସାରା ବିଶ୍ୱରେ କୋରୋନା ମହାମାରୀ ପାଇଁ ଲକ ଡାଉନ । ଏଥିପାଇଁ ରାଜ୍ୟ ସରକାର ରଥଯାତ୍ରା ବନ୍ଦ କରିବାକୁ ନିଷ୍ପତ୍ତି ନେଇଥିଲେ । କିନ୍ତୁ ଭକ୍ତଙ୍କ ଆବେଗ ଓ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ପୁରୀରେ ରଥଯାତ୍ରା ଅନୁଷ୍ଠିତ ହେଉଛି । କିନ୍ତୁ ସାରା ଓଡ଼ିଶାରେ ରଥଯାତ୍ରାକୁ ବନ୍ଦ କରିଛି ରାଜ୍ୟ ସରକାର । ବିଶ୍ୱର ସର୍ବ ବୃହତ ରଥ ଭାବେ ପରିଚିତ କେନ୍ଦୁଝର ଶ୍ରୀ ବଳଦେବଜୀଉ ଙ୍କ ରଥଯାତ୍ରା ମଧ୍ୟ ଏହି କଟକଣା ପାଇଁ ବନ୍ଦ ହୋଇଛି । ଗତକାଲି ରାତି ୧୦ ଟାରୁ ଜିଲ୍ଲା ପ୍ରଶାସନ କେନ୍ଦୁଝର ଜିଲ୍ଲାର ଆରାଧ୍ୟ ଦେବତା ଶ୍ରୀ ବଳଦେବଜୀଉଙ୍କ ମନ୍ଦିରରୁ ଦୁଇ ଶହ ମିଟର ପର୍ଯ୍ୟନ୍ତ ୧୪୪ ଧାରା ଜାରି କରିଛି ।
ରଥ ଚାରିପଟେ ମଧ୍ୟ ବ୍ୟାରିକେଟ କରି ରଥ ଦାଣ୍ଡକୁ ବନ୍ଦ କରିଛି । ଭକ୍ତଙ୍କ ପାଇଁ କେବଳ ସେବାୟତଙ୍କୁ ନେଇ ପ୍ରଶାସନ ମନ୍ଦିର ମଧ୍ୟରେ ନୀତିକାନ୍ତି ସମ୍ପନ କରିଛି ପ୍ରଶାସନ । ରଥଯାତ୍ରା ନହେବାରୁ ଭକ୍ତଙ୍କ ମଧ୍ୟରେ ପ୍ରଶାସନ ପ୍ରତି ରୋଷ ବଢିବା ସହ ଆବେଗ ମଧ୍ୟ ପ୍ରକାଶ ପାଇଛି । ଭକ୍ତ ଆଜି ତିନି ଠାକୁରଙ୍କୁ ରଥ ଉପରେ ନଦେଖି ଦୁଃଖ ପ୍ରକାଶ କରିଛନ୍ତି । ଏହି କଟକଣା ହଟିବ ବଳଦେବଜୀଉଙ୍କୁ ରଥଯାତ୍ରା ସମୟରେ ଦେଖା ପାଇବେ ବୋଲି ଆଶା ରଖିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
