କେନ୍ଦୁଝର: ପାଟଣା ବନାଞ୍ଚଳ ଅଧିକାରୀକୁ ମିଳିଛି ବଡ଼ ସଫଳତା । ଉକ୍ତ ଅଧିକାରୀଙ୍କ ସାବଧାନତା ଯୋଗୁଁ ଧରା ପଡିଛି ଚୋରା ଚାଲାଣ ହେଉଥିବା ଶାଳ କାଠ । ଏକ ବୋଲେରୋ ଯୋଗେ କରଞ୍ଜିଆ ଅଞ୍ଚଳରୁ ଉକ୍ତ ଚୋରା କାଠ ସବୁ ଆସୁଥିବା ଖବର ପାଇ ପାଟଣା ବନ ବିଭାଗ ଅଧିକାରୀ କୌଶଳ କ୍ରମେ ଏହାକୁ ଧରିଥିଲେ ।
60 ହଜାରରୁ ଉର୍ଦ୍ଧ୍ବ ଟଙ୍କାର ଶାଳକାଠ ଜବତ କଲା ଜଙ୍ଗଲ ବିଭାଗ
ଡ୍ରାଇଭର ଫେରାର ହୋଇଯାଇଥିବା ବେଳେ ଷାଠିଏ ଖଣ୍ଡ ଶାଳ କାଠ ସହ ବାଲେରୋକୁ ଜବତ କରିବାରେ ସଫଳ ହୋଇଥିଲା ବନ ବିଭାଗ । କାଠ ଗୁଡିକର ଆନୁମାନିକ ମୂଲ୍ୟ ଷାଠିଏ ହଜାରରୁ ଉର୍ଦ୍ଧ୍ବ ହୋଇଥିବା ପ୍ରକାଶ କରିଛି ପାଟଣା ବନ ବିଭାଗ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
