ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ଶାଳପଡ଼ା ପ୍ରାଥମିକ ବିଦ୍ୟାଳୟରେ ଧାରଣା । ଶିକ୍ଷକ ନିଯୁକ୍ତି ଦାବିରେ ଅଭିଭାବକ ଓ ଛାତ୍ରଛାତ୍ରୀ ମିଶି ସ୍କୁଲରେ ତାଲା ପକାଇ ଧାରଣା । ବିଦ୍ୟାଳୟରେ ମୋଟ ୫ଟି ଶ୍ରେଣୀରେ ୯୫ ଜଣ ଛାତ୍ରଛାତ୍ରୀ ପାଠ ପଢ଼ୁଥିବା ବେଳେ ମାତ୍ର ଦୁଇଜଣ ଶିକ୍ଷକ ପଠ ପଢାଉଛନ୍ତି ।
ଶିକ୍ଷକ ନିଯୁକ୍ତ ଦାବିରେ ଶାଳପଡ଼ା ପ୍ରାଥମିକ ବିଦ୍ୟାଳୟରେ ଧାରଣା
ପାଠ ପଢ଼ାରେ ବହୁ ଅସୁବିଧା ହେଉଥିବାରୁ ଏବିଷୟରେ ବିଭାଗୀୟ ଅଧିକାରୀମାନଙ୍କୁ ଜଣାଇଥିଲେ ସୁଦ୍ଧା କୌଣସି ଫଳ ମିଳିଲା ନାହିଁ । ତୁରନ୍ତ ଶିକ୍ଷକ ନିଯୁକ୍ତି କରିବା ପାଇଁ ଧାରଣା ଦେଇଥିଲେ ଅଭିଭାବକ । ଖବର ପାଇ ଆନନ୍ଦପୁର ବିଇଓ ଘଟଣାସ୍ଥଳରେ ପହଞ୍ଚି ଛାତ୍ରଛାତ୍ରୀ ଓ ଅଭିଭାବକମାନଙ୍କୁ ପ୍ରତିଶ୍ରୁତି ଦେଲା ପରେ ଧାରଣରୁ ଉଠିଥିଲେ ଛାତ୍ରଛାତ୍ରୀ ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
