କେନ୍ଦୁଝର: ଟ୍ରକ ଦୁର୍ଘଟଣାରେ ଜଣେ ମୃତ, 3 ଗୁରୁତର । ଏହି ଦୁର୍ଘଟଣାଟି ଟାଉନ ଥାନା ଅନ୍ତର୍ଗତ ପୁରୁଣା ସହର ବାଇପାସର ଚାନ୍ଦମାରି ନିକଟରେ ଘଟିଛି। ଆଜି ସକାଳୁ କୌଣସି କାରଣରୁ ଏକ ଟ୍ରକ ରାସ୍ତା କଡରେ ଛିଡା ହୋଇଥିବାବେଳେ ତା ପଛକୁ ପଛ ଦୁଇଟି ଟ୍ରକ ଆସି ଧକ୍କା ଦେଇଥିଲା ।
ସିରିଜ୍ ଟ୍ରକ ଦୁର୍ଘଟଣା: ଜଣେ ମୃତ, 3 ଗୁରୁତର
ପ୍ରଥମ ଗାଡିର ଡ୍ରାଇଭର ତା ଟ୍ରକ ପଛ ପଟେ ଛିଡ଼ା ହୋଇଥିବାବେଳେ ଦ୍ବିତୀୟ ଟ୍ରକ ପିଟିବାରୁ ସେ ଗୁରୁତର ହୋଇଛି । ଏହାସହ ଅନ୍ୟ ଦୁଇ ଟ୍ରକର ଦୁଇ ଜଣ ଡ୍ରାଇଭର ମଧ୍ୟ ଗୁରୁତର ହୋଇଛନ୍ତି ।
ତୃତୀୟ ଟ୍ରକର ଡ୍ରାଇଭର ଦ୍ବିତୀୟ ଟ୍ରକ ସହ ବହୁ ଜୋରରେ ବାଡେଇ ହୋଇଥିବାରୁ ଡ୍ରାଇଭର ଗୁରୁତର ହୋଇ ଗାଡି ମଧ୍ୟରେ ଫସି ରହିଛନ୍ତି । ଖବର ପାଇ ଅଗ୍ନିଶମ ବିଭାଗ ପକ୍ଷରୁ ଆସି ଉଦ୍ଧାର କାର୍ଯ୍ୟ ଜାରି ରହିଛି । ସମସ୍ତ ଗୁରୁତରଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର,ଇଟିଭି ଭାରତ
