କେନ୍ଦୁଝର: ଅଜଣା ଗାଡି ଧକ୍କାରେ ମାମୁଁ ମୃତ, ଭଣଜା ଗୁରୁତର । କେନ୍ଦୁଝର ଜିଲ୍ଲା ଘଟଗାଁ ଥାନା କାଁଝରି ନିକଟରେ ଘଟିଛି ଏପରି ଅଭାବନୀୟ ଘଟଣା । ଗୁରୁତରଙ୍କୁ କଟକ ମେଡିକାଲ ସ୍ଥାନାନ୍ତର କରାଯାଇଛି । ମୃତକଙ୍କ ପରିଚୟ ପଣ୍ଡାପଡ଼ା ଥାନା ଅନ୍ତର୍ଗତ ବସନ୍ତପୁର ଅଞ୍ଚଳର ବୋଲି ଜଣାପଡ଼ିଛି ।
ଅଜଣା ଗାଡି ଧକ୍କାରେ ମାମୁଁ ମୃତ, ଭଣଜା ଗୁରୁତର
ସୂଚନା ଅନୁସାରେ କାଁଝରି ନିକଟରେ ବାଇକକୁ ଧକ୍କା ଦେଲା ଅଜଣା ଗାଡି । ଧକ୍କା ଦେବା ପରେ ଗାଡିଟି ଘଟଣାସ୍ଥଳରୁ ଫେରାର ହୋଇଯାଇଛି । ପଡି ରହିଥିବା ଦୁଇ ଆହତଙ୍କୁ ସ୍ଥାନୀୟଲୋକେ ଉଦ୍ଧାର କରି କେନ୍ଦୁଝର ଡାକ୍ତରଖାନାକୁ ଭର୍ତ୍ତି କରାଇଥିଲେ । ଚିକିତ୍ସା କରାଯିବା ସମୟରେ ମାମୁଁ ମଙ୍ଗୁଳୁ ବେହେରାଙ୍କ ମୃତ୍ୟୁ ଘଟିଥିଲା । ଭଣଜା ପପୁ ବେହେରାଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
