କେନ୍ଦୁଝର: ଜିଲ୍ଲା ଦେଇ ଯାଇଥିବା 20 ନମ୍ବର ଜାତୀୟ ରାଜପଥରେ ସଡକ ଦୁର୍ଘଟଣା । ଦୁଇଟି ଟ୍ରକ ମୁହାଁମୁହିଁ ଧକ୍କା । 2 ମୃତ ।
କେନ୍ଦୁଝରର ଗୋପାଳପୁର ଗ୍ରାମ ନିକଟରେ ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି । କେନ୍ଦୁଝରରୁ ଆଇରନ ନେଇ ଯାଉଥିବା ଗୋଟିଏ ଟ୍ରକ ସହ କେନ୍ଦୁଝରକୁ କୋଇଲା ନେଇ ଆସୁଥିବା ଗୋଟିଏ ଟ୍ରକର ମୁହାଁ ମୁହିଁ ଧକ୍କା ହୋଇଥିଲା ।
ଫଳରେ ଘଟଣାସ୍ଥଳରେ 2 ଜଣଙ୍କ ମୃତ୍ୟୁ ହୋଇଛି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଜଣଙ୍କର ମୃତଦେହ ବାହାର କରିଥିବାବେଳେ ଆଉ ଜଣଙ୍କର ମୃତଦେହ ବର୍ତମାନ ସୁଦ୍ଧା ଗାଡି ଭିତରେ ଚାପି ହୋଇରହିଛି । ମୃତକଙ୍କ ପରିଚୟ ମିଳି ପାରିନାହିଁ । ସେପଟେ ସଦର ପୋଲିସ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
