କେନ୍ଦୁଝର:ସୋମଗିରିରେ ଭାରସାମ୍ୟ ହରାଇ ଗଛରେ ପିଟି ହେଲା ବୋଲେରୋ । ଦୁର୍ଘଟଣାରେ 4 ଜଣଙ୍କ ମୃତ୍ୟୁ ହୋଇଥିବାବେଳେ 4 ଜଣ ଗୁରୁତର ଆହତ ହୋଇଛନ୍ତି । ତେବେ ମୃତକଙ୍କ ପରିଚୟ ମିଳିପାରିନାହିଁ ।
ଗଛରେ ପିଟି ହେଲା ଗାଡି, ଚାଲିଗଲା 4 ଜୀବନ
ସମସ୍ତ ଆହତଙ୍କୁ କେନ୍ଦୁଝର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଏମାନେ ସମସ୍ତେ ମୟୂରଭଞ୍ଜ ରଙ୍ଗାମାଟିଆରୁ କେନ୍ଦୁଝରକୁ ବଳଦ କିଣିବାକୁ ଆସୁଥିବା ସୂଚନା ମିଳିଛି । ବୋଲେରୋ ସମସ୍ତେ ଆସୁଥିବାବେଳେ ରାତିରେ ଭାରସାମ୍ୟ ହରାଇ ଗାଡିଟି ଗଛରେ ପିଟି ହୋଇଯାଇଛି ।
ସେପଟେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
