କେନ୍ଦୁଝର: ଶୀତ ଦିନର ଆଦ୍ୟାରମ୍ଭରେ ସଡକ ଦୁର୍ଘଟଣା । ସକାଳୁଆ କୁହୁଡି ସାଜିଲା କାଳ । କେନ୍ଦୁଝର ରିମୂଳି ଥାନା ରଙ୍ଗାମାଟିଆରେ କ୍ଷୀର ଗାଡିକୁ ପିଟିଲା କୋଇଲା ଟ୍ରକ । ଦୁଇ ଗୁରୁତର ଆହତ । ନିକଟସ୍ଥ ଚିକିତ୍ସାଳୟରେ ଭର୍ତ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
20 ନମ୍ବର ଜାତୀୟ ରାଜପଥରେ ଗୋଟିଏ କ୍ଷୀର ବୋଝେଇ ମିନି ଟ୍ରକ ଛିଡା ହୋଇଥିବାବେଳେ ପଛରୁ କୋଇଲା ବୋଝେଇ ଟ୍ରକ ଜୋରରେ ଧକ୍କା ଦେଇଥିଲା । ତେବେ ଦୁର୍ଘଟଣାଟି ଏପରି ଥିଲା ଯେ କ୍ଷୀର ଗାଡିଟି କିଛି ଦୂରକୁ ଛିଟିକି ପଡିଥିଲା । ଫଳରେ କ୍ଷୀର ଗାଡି ଡ୍ରାଇଭର ଓ ହେଲପର ଗୁରୁତର ଆହତ ହୋଇଛନ୍ତି ।
ଦୁର୍ଘଟଣା ପରେ ସେମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରିବା ସହ ଚିକିତ୍ସାଳୟରେ ଭର୍ତ୍ତି କରିଛନ୍ତି । ସେହିପରି ଟାଉନ ଥାନା ଧୁରପଦା ଗ୍ରାମ ନିକଟରେ ଡ୍ରମ୍ଫର-ବାଇକ୍ ଧକ୍କା ହୋଇଛି । ଡ୍ରମ୍ଫର ଭିତରେ ବାଇକ୍ ପଶିଯିବାରୁ ବାଇକରେ ଥିବା 3 ଜଣ ଗୁରୁତର ଆହତ ହୋଇଛନ୍ତି । ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
