ଆନନ୍ଦପୁର: କେନ୍ଦୁଝର ଆନନ୍ଦପୁର ଥାନା ବାହିଆ ବାରଦଣ୍ଡା ସରେଇ ଗାଁରେ ଅଘଟଣ । ଧାନ ରଖାଯାଇଥିବା ଭାଡ଼ି ଭାଙ୍ଗି ସ୍ତ୍ରୀ ମୃତ, ସ୍ବାମୀ ଗୁରୁତର । ମୃତକ ଜଣକ ହେଲେ ଜାନକୀ ହୋ । ସୂଚନା ଅନୁଯାୟୀ, ଗତକାଲି(ରବିବାର) ରାତିରେ ଘରର ସମସ୍ତେ ଖାଇ ପିଇ ଶୋଇବା ପରେ ସେଠାରେ ଧାନ ପାଇଁ ରଖାଯାଇଥିବା ଭାଡ଼ି ହଠାତ୍ ଭାଙ୍ଗି ପଡ଼ିଥିଲା । ଫଳରେ ଭାଡ଼ି ସହ ଅନ୍ୟ ଜିନିଷ ଜାନକୀ ହୋ ଏବଂ ତାଙ୍କ ସ୍ବାମୀ ମାଗୁଆ ହୋଙ୍କ ଉପରେ ଅଜାଡ଼ି ହୋଇ ପଡ଼ିଥିଲା ।
ଭାଡ଼ି ଭାଙ୍ଗି ସ୍ତ୍ରୀ ମୃତ, ସ୍ବାମୀ ଗୁରୁତର
ଗୁରୁତର ଅବସ୍ଥାରେ ଉଭୟଙ୍କୁ ଆନନ୍ଦପୁର ଡାକ୍ତରଖାନା ନିଆଯାଇଥିବା ବେଳେ ସେଠାରେ ଜାନକୀଙ୍କର ମୃତ୍ୟୁ ଘଟିଥିଲା।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
