କେନ୍ଦୁଝର: ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଗାଡି ଉପରକୁ ଆକ୍ରମଣ ଉଦ୍ୟମରେ ଜଣଙ୍କୁ ଗିରଫ କରିଛି ଟାଉନ ଥାନା ପୋଲିସ । ଏହାସହ ସମ୍ପୃକ୍ତ ଆଉ 4 ଜଣଙ୍କୁ ଗିରଫ କରିବା ପାଇଁ ଟାଉନଥାନା ପକ୍ଷରୁ ପକ୍ରିୟା ଚାଲିଥିବା ପୋଲିସ ପକ୍ଷରୁ ସୂଚନା ମିଳିଛି ।
ଗତକାଲି(ରବିବାର) ଅପରାହ୍ନରେ କେନ୍ଦୁଝର ଟାଉନଥାନା କାଶୀପୁର ନିକଟରେ ପିସିସି ସଭାପତିଙ୍କ ଗାଡି ଉପରେ ଆକ୍ରମଣ ହୋଇଥିଲା । ପିସିସି ସଭାପତି କେନ୍ଦୁଝର ସହରରୁ ନିଜ ଘରକୁ ଫେରୁଥିବାବେଳେ କିଛି ଯୁବକ ତାଙ୍କ ଗାଡିକୁ ସ୍ଥାନୀୟ କାଶୀପୁର ଠାରେ ଅଟକାଇ ଥିଲେ । ଏସମୟରେ ତାଙ୍କ ପିଏସଓ ଗାଡ଼ିରୁ ଓହ୍ଲାଇବାବେଳେ ଉକ୍ତ ଯୁବକମାନେ ତାଙ୍କୁ ଆକ୍ରମଣ କରିଥିଲେ ।
ଏନେଇ କେନ୍ଦୁଝର ଟାଉନ ଥାନାରେ ଲିଖିତ ଅଭିଯୋଗ ହୋଇଛି ।
ଏହି ଆକ୍ରମଣ ପ୍ରତିବାଦରେ ଯୁବ କଂଗ୍ରେସ ପକ୍ଷରୁ ଟାୟାର ଜାଳି ରାସ୍ତା ଅବରୋଧ କରାଯିବା ସହ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି ହୋଇଥିଲା। ଯାହାକୁ ନେଇ ପୋଲିସ ଆଜି ଜଣଙ୍କୁ ଗିରଫ କରିବା ସହ ଅଧିକ ତଦନ୍ତ ଚାଲୁଥିବା ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
