କେନ୍ଦୁଝର: କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ଏନଏଚ-୪୯ ଜଡିଚାତରରେ ଆଜି ଅପରାହ୍ନରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ପୋଲିସ ଭ୍ୟାନ ଧକ୍କାରେ ସ୍ଥାନୀୟ ମୁରୁସୁଆଁ ଗ୍ରାମର ବସନ୍ତ ବାରିକଙ୍କର ମୃତ୍ୟୁ ହୋଇଛି । ଖବରପାଇ ପରିବାର ଲୋକେ ସେଠାରେ ପହଁଞ୍ଚିଥିଲେ । ଏହାପରେ ସ୍ଥାନୀୟ ବାସିନ୍ଦା ଉତ୍ତ୍ୟକ୍ତ ହୋଇ ରାସ୍ତା ଅବରୋଧ କରିଥିଲେ । ପରିବାର ଲୋକେ ପୋଲିସ ଗାଡି ଧକ୍କାରେ ବସନ୍ତଙ୍କ ମୃତ୍ୟୁ ହୋଇଥିବା ଅଭିଯୋଗ କରିଥିଲେ । କିଛି ସମୟ ପରେ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ବୁଝାସୁଝା କରିବାପରେ ରାସ୍ତାରୋକ ହଟିଥିଲା ।
ଆଇନ ହାତରେ ବେଆଇନ କାମ, ପୋଲିସ ଭ୍ୟାନ ଧକ୍କାରେ ଯୁବକଙ୍କ ମୃତ୍ୟୁ
ଏନେଇ ମୃତକଙ୍କ ପରିବାରକୁ କ୍ଷତିପୂରଣ ଦେବା ପାଇଁ ବ୍ୟବସ୍ଥା କରାଯିବ ବୋଲି କହିଛନ୍ତି ପୋଲିସ ଅଧିକାରୀ । କିନ୍ତୁ ପୋଲିସର ବେପରୁଆ ଗାଡି ଚାଳନା ଯୋଗୁଁ ଏହି ଘଟଣା ଘଟିଥିବା ଅଭିଯୋଗ ସହ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗିରହିଛି ।
ଇଟିଭି ଭାରତ, କେନ୍ଦୁଝର
