କେନ୍ଦୁଝର: ଘଟଗାଁ ଥାନା ଏନଏଚ-୨୦ ଢେଙ୍କି କୋଟ ନିକଟରେ ଦୁର୍ଘଟଣା । ଏକ ଅଟୋକୁ କାର ଧକ୍କା ଦେବା ଫଳରେ 30 ଫୁଟ ତଳକୁ ଖସିଲା ପଡିଲା ଅଟୋ । ଘଟଣାରେ ୧୩ ଜଣ ଗୁରୁତର ହୋଇଥିବାବେଳେ ଜଣଙ୍କର ମୃତ୍ୟୁ ଘଟିଛି ।
ଅଟୋକୁ ଧକ୍କା ଦେଲା କାର
ତେବେ ଦୁର୍ଘଟଣାଗ୍ରସ୍ତ ଅଟୋରେ ୪ ଜଣ ଶିଶୁ ଥିବାବେଳେ ୪ ଜଣ ମହିଳା ମଧ୍ୟ ରହିଛନ୍ତି। ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଗୁରୁତରଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । କାରରେ ଥିବା ଅନ୍ୟ 5 ଜଣ ଆହତ ହୋଇଥିବା ସୂଚନା ରହିଛି ।
ସୂଚନାମୁତାବକ, ଅଟୋରେ ଥିବା ସମସ୍ତ ଯାତ୍ରୀ ଦୁଇଟି ପରିବାରର ବୋଲି ଜଣାପଡିଛି। ସେମାନେ ଘଟଗାଁର ମା' ତାରିଣୀ ମନ୍ଦିରକୁ ବୁଲିବାକୁ ଯାଇଥିଲେ । ଆଉ ନିଜ ଘର କାଠ ବାରୀକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା l ଚିକିତ୍ସା ସମୟରେ ଦାଶ ମୁଣ୍ଡା ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
