ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ଠାକୁରମୁଣ୍ଡା ରାସ୍ତା ପଦ୍ମପୁର ଛକରେ ସଡକ ଦୁର୍ଘଟଣା । ଗୋଟିଏ ଅଜଣା ଗାଡି ଧକ୍କାରେ ପଦ୍ମପୁରର ରାଇଆ ମହାକୁଡ଼ ନାମକ ଯୁବକଙ୍କ ମୃତ୍ୟୁ ହୋଇଛି ।
ସୂଚନାନୁସାରେ, ମୃତ ରାଇଆ ପଦ୍ମପୁର ଛକରେ ଏକ ଜଳଖିଆ ଦୋକାନରେ ମିସ୍ତ୍ରୀ ଭାବେ କାମ କରୁଥିଲେ । ରବିବାର ଭୋର ସାଢ଼େ ୪ଟା ବେଳେ ସେ ବାହାରକୁ ବାହାରିଥିଲେ । ଏହି ସମୟରେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ପଳାଇଥିଲା। ଘଟଣାସ୍ଥଳରେ ହିଁ ରାଇଆଙ୍କ ମୃତ୍ୟୁ ଘଟିଥିଲା।
ଏହାର ପ୍ରତିବାଦରେ ସ୍ଥାନୀୟ ଲୋକେ କିଛି ସମୟ ପାଇଁ ରାସ୍ତା ଅବରୋଧ କରିଥିଲେ। ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଆନନ୍ଦପୁର ଥାନା ଅଧିକାରୀ ବିରଞ୍ଚି ବାଗ୍ ପହଞ୍ଚି ପରିସ୍ଥିତି ନିୟନ୍ତ୍ରଣ କରିଥିଲେ। ପୁଲିସ ମୃତଦେହ ଜବତ କରି ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇଛି । ଏନେଇ ଆନନ୍ଦପୁର ଥାନାରେ ଏକ ମାମଲା ରୁଜୁ ହୋଇଛି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
