କେନ୍ଦୁଝର: ଆଦିବାସୀ ମାନ୍ୟତା ଦାବିରେ ରାଜରାସ୍ତାକୁ ଓହ୍ଲାଇଲେ ଓଡ଼ିଶା କୁଡୁମୀ ସେନା । କୁଡୁମୀ ଜାତି ପ୍ରତି ଅନ୍ୟାୟ ହୋଇଥିବା ଅଭିଯୋଗ କରି କଳା ଦିବସ ଭାବେ ପାଳନ କରିଛି । ଏକ ବିରାଟ ପଟୁଆରରେ କୁଡ଼ୁମୀ ଜାତିର ଲୋକମାନେ ଆସି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ ।
ଏହା ମଧ୍ୟ ପଢ଼ନ୍ତୁ: କୁଡୁମୀ ସମ୍ପ୍ରଦାୟଙ୍କୁ ନେଇ କେନ୍ଦ୍ରମନ୍ତ୍ରୀଙ୍କ ମନ୍ତବ୍ୟ, କୁଶପୁତ୍ତଳିକା ଦାହ କରି ଇସ୍ତଫା ଦାବି
୧୯୫୦ ମସିହା ସେପ୍ଟେମ୍ବର ୬ ପୂର୍ବରୁ କୁଡ଼ୁମୀମାନେ ଆଦିବାସୀ ବର୍ଗରେ ଅନ୍ତର୍ଭୁକ୍ତ ଥିଲେ । କିନ୍ତୁ ବର୍ତ୍ତମାନ ସେମାନଙ୍କୁ ଆଦିବାସୀ ମାନ୍ୟତାର ବାଦ ଦିଆଯାଇଛି । ଏଣୁ ପୁର୍ନବାର ଆଦିବାସୀ ମାନ୍ୟତା ପ୍ରଦାନ ଦାବିରେ ବିକ୍ଷୋଭ ପ୍ରଦର୍ଶନ କରାଯାଇଛି । କେନ୍ଦୁଝର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପାରମ୍ପରିକ ନୃତ୍ୟ ଓ ମାଦଳ ବଜାଇ ନାଚ ଗୀତ ମାଧ୍ୟମରେ ଏହି ଆନ୍ଦୋଳନ କରିଥିଲା ଓଡ଼ିଶା କୁଡୁମୀ ସେନା । ଶତାଧିକ କୁଡୁମୀ ଜାତି ଲୋକେ ଏକାଠି ହୋଇ ବିଶାଳ ଶୋଭାଯାତ୍ରା କରି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ । ଓଡ଼ିଶା କୁଡ଼ମୀ ସେନା କେନ୍ଦୁଝର ଜିଲ୍ଲା ମହିଳା ସଭାନେତ୍ରୀ ମଧୁସ୍ମିତା ମହାନ୍ତ ଅଭିଯୋଗ କହିଛନ୍ତି ଯେ, "ବିନା ନୋଟିଫିକେସନରେ କୁଡ଼ୁମୀମାନଙ୍କୁ ଆଦିବାସୀ ମାନ୍ୟତାରୁ ବାଦ ଦିଆଯାଇଛି । ସେହି ଦିନରୁ ଏହି ଆନ୍ଦୋଳନ ଚାଲି ଆସିଛି ।" ଯେପର୍ଯ୍ୟନ୍ତ ରାଜ୍ୟ ସରକାର କୁଡ଼ୁମୀ ଜାତିକୁ ଆଦିବାସୀ ତାଲିକାଭୁକ୍ତ ନକରିଛନ୍ତି ସେଦିନ ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି ସେନା ପକ୍ଷରୁ ଚେତାବନୀ ଦିଆଯାଇଛି ।
