ଆନନ୍ଦପୁର: ସଂସ୍କୃତି ଓ ପରମ୍ପରାକୁ ବଜାୟ ରଖିବା ପାଇଁ ଆମେ ପାଳନ କରିଥାନ୍ତି ୧୨ ମାସରେ ୧୩ ପରବ। ତନୁଧ୍ୟରୁ ଅନ୍ୟତମ ନିଆରା ପର୍ବ ହେଉଛି ଘଷିପୁରା ବ୍ଲକ ଅନ୍ତର୍ଗତ ମଙ୍ଗଳପୁର ଗ୍ରାମର ନିଆରା ନନ୍ଦ ଉତ୍ସବ।
ଜନ୍ମାଷ୍ଟମୀ ଉତ୍ସବକୁ ବଡ଼ ଧୁମଧାମରେ ସାରା ଦେଶ ପାଳନ କରିସାରିଥିବା ବେଳେ ଏହାର ପରଦିନ ପାଳନ କରାଯାଇଥାଏ ନନ୍ଦ ଉତ୍ସବ ।
ତେବେ ଏହି ନନ୍ଦ ଉତ୍ସବକୁ ମଙ୍ଗଳପୁର ଗ୍ରାମରେ ବେଶ ଧୁମଧାମର ସହ ପାଳନ କରାଯାଇଛି । ପୁରାଣ ବର୍ଣ୍ଣିତ ଶ୍ରୀକୃଷ୍ଣ କଥାବୃତ ଅନୁସାରେ ପରମ୍ପରାକୁ ବଜାୟ ରଖିବା ପାଇଁ ମଙ୍ଗଳପୁର ଗ୍ରାମବାସୀ ମାନେ ଏହି ପର୍ବ ପାଳନ କରିଆସୁଛନ୍ତି । ଏହାଛଡା ଏହି ପର୍ବ ପାଳନ ଦ୍ବାରା ଗ୍ରାମର ଲୋକମାନଙ୍କ ମଧ୍ୟରେ ଭାବର ଆଦାନ ପ୍ରଦାନ ଫଳନର ଭାଇଚାର ସୃଦୃଢ ରହିଥାଏ ବୋଲି ବିଶ୍ବାସ ରହିଛି।
ତେବେ ଗ୍ରାମର ଶ୍ରୀକାନ୍ତ ସାହୁ ନନ୍ଦ ହୋଇ ଠାକୁରଙ୍କୁ ମୁଣ୍ଡାଇ ଗାଁର ଆବାଳ ବୃଦ୍ଧବନିତାଙ୍କ ସହ ଘଣ୍ଟ , କୀର୍ତ୍ତନ ଏବଂ ଶଙ୍ଖ ବଜାଇ ଶୋଭାଯାତ୍ରାରେ ଗ୍ରାମ ପରିକ୍ରମା କରାଯାଇଥିଲା। ଶେଷରେ ଗ୍ରାମ ମଝିରେ ପୂଜା କରାଯାଇ ଠାକୁରଙ୍କୁ ନିଜ ଘରକୁ ଅଣାଯାଇଥିଲା।
ଏହି ଉତ୍ସବକୁ ଦେଖିବାକୁ ଆଖପାଖ ଗ୍ରାମରୁ ହଜାର ହଜାର ଶ୍ରଦ୍ଧାଳୁମାନେ ଆସିଥିଲେ।
ଆନନ୍ଦ ଉଲ୍ଲାସର ସହ ଏହି ଉତ୍ସବ ପାଳନ ହୋଇଥିବା ବେଳେ ଗ୍ରାମରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଈଟିଭି ଭାରତ
