ଆନନ୍ଦପୁର: ଘଷିପୁରା ତହସିଲ ଅନ୍ତର୍ଗତ କଲରାଗଡିଆ ବୈତରଣୀ ନଦୀ ଘାଟରେ ବୁଡି ଜଣେ ନାବାଳକ ମୃତ । ନାବାଳକ ଜଣଙ୍କ ବୁଡିଯିବା ପରେ ନିଖୋଜ ହୋଇଯାଇଥିଲା । ଘଟଣାସ୍ଥଳରେ ଘଷିପୁରା ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ତେବେ ପରେ ନାବାଳକର ମୃତଦେହ ଉଦ୍ଧାର କରାଯାଇଛି ।
ନଦୀରେ ବୁଡି ନାବାଳକ ମୃତ
ଖବର ଅନୁଯାୟୀ, କଲରାଗଡିଆ ଗାଁର ସୁଦାମ ନାଇକଙ୍କ 7ବର୍ଷୀୟା ପୁଅ ଡାକ୍ତର ନାଇକ ନିଜ ବଡବାପା ପୁଅ ସହିତ ନଦୀକୁ ଗାଧୋଇ ଆସିଥିଲା । ତେବେ ସେହି ନଦୀ ଘାଟରୁ ବାଲି ଉତ୍ତୋଳନ ହେଉଥିବାରୁ ଘାଟଟି ଗଣ୍ଡରେ ପରିଣତ ହୋଇଥିବାରୁ ନାବାଳକଟି ଗାଧୋଇବା ସମୟରେ ନିଖୋଜ ହୋଇଯାଇଥିଲା।
ନିଖୋଜ ଥିବା ଖବର ଜାଣିବା ପରେ ସ୍ଥାନୀୟ ଦମକଳ ବାହିନୀକୁ ଡକାଯାଇଥିଲା । ତେବେ ଦୀର୍ଘ ସମୟ ଖୋଜାଖୋଜି କରିବା ପରେ ଦମକଳ ବାହିନୀ ପିଲାଟିର ମୃତଦେହ ଉଦ୍ଧାର କରିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
