କେନ୍ଦୁଝର: ରାମଚନ୍ଦ୍ରପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁର ଏକ ପରିବାରକୁ ମରଣାନ୍ତର ଆକ୍ରମଣ ହୋଇଛି । ବେଣୁଧର ବେହେରାଙ୍କ ପରିବାରର ୪ ଜଣ ଖଣ୍ତା ଚୋଟରେ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
ରାମଚନ୍ଦ୍ରପୁର ଗ୍ରାମର ବେଣୁଧର ବେହେରାଙ୍କ ପୁତୁରା ଗିଲ ଖଲଣା ଗାଁର ରମେଶ ବେହେରାଙ୍କ ଭାଣିଜୀକୁ ଗତ ଦୁଇ ମାସ ତଳେ ପ୍ରେମ ବିବାହ କରିଥିଲେ । ଉଭୟ ପୁତୁରା ଏବଂ ବୋହୁଙ୍କୁ ବେଣୁଧର ନିଜ ଘରେ ଆଶ୍ରୟ ଦେଇଥିଲେ । ଏନେଇ ରମେଶଙ୍କ ପରିବାର ସହ ବେଣୁଧରଙ୍କ ଶତୃତା ବଢି ଯାଇଥିଲା । ତେବେ ମଙ୍ଗଳବାର ସଂଧ୍ୟାରେ ରମେଶ ବେହେରା ନିଜ ୮ରୁ ୧୦ ଜଣ ସାଙ୍ଗଙ୍କୁ ଧରି ରାମଚନ୍ଦ୍ରପୁର ସ୍ଥିତ ବେଣୁଧର ଓ ତାଙ୍କ ପରିବାର ଉପରେ ଧାରୁଆ ଅସ୍ତ୍ରରେ ହାଠାତ ଆକ୍ରମଣ କରିଥିଲେ । ଏଥିରେ ବେଣୁଧରଙ୍କ ସମେତ ତାଙ୍କ ସ୍ତ୍ରୀ ମାଳତୀ ବେହେରା, ପୁଅ ରଞ୍ଜନ ବେହେରା ଓ ବୋହୁ ଅନ୍ନପୂର୍ଣ୍ଣା ବେହେରା ଆହାତ ହୋଇ ସ୍ଥାନୀୟ ସାଇଁକୁଳ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
ଖଣ୍ତା ଚୋଟରେ ବେଣୁଧର ଗୁରୁତର ଆହାତ ହୋଇଥିବା ଜଣା ପଡିଛି। ରାମଚନ୍ଦ୍ରପୁର ଥାନା ଭାରାପ୍ରାପ୍ର ଅଧିକାରୀ ରାଜେନ୍ଦ୍ର ସ୍ବାଇଁ, ଏସଆଇ ସୂର୍ଯ୍ୟସ୍ନାତ ପାତ୍ର ଘଟଣା ସମ୍ପର୍କରେ ଖବର ପାଇଁ ସାଇଁକୁଳ ଡାକ୍ତରଖାନାରେ ପହଞ୍ଚିବା ସହ ଘଟଣା ସମ୍ପର୍କରେ ଖୋଳତାଡ କରି ଖଲଣା ଗାଁରେ ଚଢାଉ କରିଛନ୍ତି । ସମସ୍ତ ଯୁବକ ଫେରାର ଥିବାବେଳେ କାହାକୁ ଗିରଫ କରାଯାଇ ନଥିବା ଜଣା ପଡିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
