କେନ୍ଦୁଝର : ପୁଣି ଗୋଠ ଛଡା ଦନ୍ତା ହାତୀର ଦବଙ୍ଗଗିରି ଦେଖିବାକୁ ମିଳିଛି । ଗତ ମଙ୍ଗଳବାର ବିଳମ୍ବିତ ରାତିରେ କେନ୍ଦୁଝର ଭୂୟାଁ ଜୁଆଙ୍ଗ ପିଢ଼ ରେଞ୍ଜ ଅନ୍ତର୍ଗତ ଫୁଲଝର ପଞ୍ଚାୟତ ଶଙ୍କରି ଗ୍ରାମର ଜଣେ ଲୋକକୁ ଦନ୍ତା ହାତୀ ଦଳି ଦେଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, କେନ୍ଦୁଝର
କିଛି ଦିନ ହେବ ଭୂୟାଁ ଜୁଆଙ୍ଗ ପିଢ଼ ରେଞ୍ଜରେ ଏକ ଦନ୍ତା ହାତୀ ତାର ଉତ୍ପାତ ଜାରି ରଖିଛି । ତେବେ ଗତ ମଙ୍ଗଳବାର ଶଙ୍କରି ଗ୍ରାମର ବିନ ଦେହୁରୀ ନାମକ ବ୍ୟକ୍ତି ରାତିରେ ଘରୁ ବାହାରକୁ ଯାଇଥିବାବେଳେ ଦନ୍ତା ହାତୀ ହାବୁଡ଼ରେ ପଡ଼ିଥିଲେ ।
ଫଳରେ ଦନ୍ତା ହାତୀ ବିନଙ୍କୁ ଦଳି ମାରି ଦେଇଥିଲା । ଏପଟେ ବାରମ୍ବାର ଏଭଳି ଘଟଣା ସାମ୍ନାକୁ ଆସୁଥିବାବେଳେ ବନ ବିଭାଗ ପକ୍ଷରୁ କିଛି ପଦକ୍ଷେପ ନିଆଯାଇ ନଥିବାରୁ ଉକ୍ତ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
