କେନ୍ଦୁଝର: ଜିଲ୍ଲାର ତୁରୁମୁଙ୍ଗା ଥାନା ଅନ୍ତର୍ଗତ ଖିରେଇଟାଙ୍ଗିରି ପଞ୍ଚାୟତରେ ବଜ୍ରପାତ ହୋଇଛି । ବିଲରେ କାମ କରୁଥିବା 2 ଜଣ ଚାଷୀଙ୍କ ଉପରେ ଏହି ବଜ୍ର ପଡିଥିଲା । ତେବେ ସେମାନଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
କେନ୍ଦୁଝରରେ ବଜ୍ରାଘାତ, 2 ଚାଷୀ ମୃତ
ସୋମବାର ଅପରାହ୍ନରେ ପାଖାପାଖି ଏହି ଅଞ୍ଚଳରେ ଖୁବ ଜୋରରେ ବଜ୍ରପାତ ହୋଇଥିଲା । ଏହି ସମୟରେ ମୃତକ 2 ଜଣ ବିଲରେ କାମ କରୁଥିଲେ ଓ ସେଠାରେ ହିଁ ଟଳି ପଡିଥିଲେ। ଖବର ପାଇ ତୁରୁମୁଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି ।
ମୃତକ ଦ୍ବୟ ହେଉଛନ୍ତି ଈଶ୍ବର ଚନ୍ଦ୍ର ବାରିକ ଓ ଚନ୍ଦ୍ର ଶେଖର ମାହାନ୍ତ । ଅକସ୍ମାତ ଏଭଳି ଘଟଣା ଘଟିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
