କେନ୍ଦୁଝର: ପୌର ନିର୍ବାଚନ ପ୍ରଚାରର ଶେଷଦିନରେ ରାଲି କରି ଦମ ଦେଖାଇଲା ବିଜେଡି । ପୌର ନିର୍ବାଚନର ପ୍ରଚାରର ଆଜି ଶେଷ ଦିନ । ସବୁ ଦଳ ନିଜ ପ୍ରାର୍ଥିଙ୍କ ବିଜୟ ପାଇଁ ଭରପୁର ପ୍ରୟାସ ଜାରି ରଖିଛନ୍ତି । କେନ୍ଦୁଝରଗଡ ପୌରପାଳିକାରେ ପ୍ରମୁଖ ତିନି ଦଳ ମଧ୍ୟରେ ଲଢେଇ ହେଉଥିବା ବେଳେ ମୁଖ୍ୟତଃ ବିଜେଡି ଓ ବିଜେପି ମଧ୍ୟରେ କଡା ଟକ୍କର ହେଉଛି । ଆଜି ପ୍ରଚାରର ଶେଷ ଦିନରେ ଶାସକ ବିଜେଡି ତାର ଦମ ଦେଖାଇଛି ।
ଆଜି ଶାସକ ବିଜେଡି ପୌରାଧ୍ୟକ୍ଷ ପ୍ରାର୍ଥିନୀ ଅର୍ଚ୍ଚନା ରାଉତଙ୍କ ସହ 21 ଜଣ କାଉନସିଲର ପ୍ରାର୍ଥୀଙ୍କୁ ନେଇ ସହର ମଧ୍ୟରେ ବାଇକ ଶୋଭାଯାତ୍ରା କରିଛି । ଦୁଇ ହଜାରରୁ ଉର୍ଦ୍ଧ୍ବ ବାଇକରେ ପୁରୁଣା ବଜାରରୁ ଆରମ୍ଭ କରି କଲେଜ ରୋଡ, କାଶୀପୁର, କେନ୍ଦୁଝର ସହରରେ ପରିକ୍ରମା କରିଥିଲା । ପୌରାଧ୍ୟକ୍ଷ ପ୍ରାର୍ଥିନୀ ଅର୍ଚ୍ଚନା ରାଉତ ସବୁ କାଉନସିଲର ପ୍ରାର୍ଥୀଙ୍କ ସହ ସେ ନିଜେ ଅଧିକ ଭୋଟରେ ଜିତିବେ ବୋଲି ଆଶା ରଖିଛନ୍ତି ।
ସେଭଳି ପ୍ରଚାର ମୈଦାନକୁ ଓହ୍ଲାଇଥିବା ଅଭିନେତ୍ରୀ ଦେବଜାନୀ ମଧ୍ୟ ବ୍ୟାପକ ଜନ ସମର୍ଥନ ଦେଖି ଅଭିଭୂତ ହେବା ସହ ବିଜେଡିକୁ ଭୋଟ ଦେବା ପାଇଁ ବିବେଦନ କରିଥିଲେ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
