କେନ୍ଦୁଝର: ବଡବିଲ ଉଲିବୁରୁରେ ଥିବା ଶ୍ରୀ ଜଗନ୍ନାଥ ଷ୍ଟିଲ, ପିଲେଟ୍ ପ୍ଲାଣ୍ଟରେ ଶ୍ରମିକ ଅଶାନ୍ତି । ପେ-ସ୍ଲିପ୍ ଦାବିରେ ଆଜି(ବୁଧବାର) କାରଖାନାର ଶତାଧିକ ଶ୍ରମିକ ଆନ୍ଦୋଳନକୁ ଓହ୍ଲାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
କାରଖାନାର ମୁଖ୍ୟ ଫାଟକ ସାମ୍ନାରେ ଧାରଣାରେ ବସି ରହିଛନ୍ତି ଶ୍ରମିକ । ନିଯୁକ୍ତିର ଦେଢ ବର୍ଷ ପରେ କମ୍ପାନୀ ପକ୍ଷରୁ ଶ୍ରମିକଙ୍କୁ ନିଯୁକ୍ତି ପତ୍ର ଏବଂ ପରିଚୟ ପତ୍ର ପ୍ରଦାନ କରାଯାଇଛି । ମାତ୍ର ବାରମ୍ବାର ଦାବି ସତ୍ତ୍ବେ ସେମାନଙ୍କୁ ପେ ସ୍ଲିପ୍ ଦିଆଯାଉନାହିଁ ।
ଯାହାର ପ୍ରତିବାଦରେ ଆଜି(ବୁଧବାର) ଆନ୍ଦୋଳନକୁ ଓହ୍ଲାଇଛନ୍ତି ଶ୍ରମିକ । ଏହାସହ ଶ୍ରମିକଙ୍କୁ ଛୁଟି ଏବଂ ଅନ୍ୟାନ୍ୟ ଆନୁସଙ୍ଗିକ ସୁବିଧା ଯୋଗାଇ ଦେବାକୁ ଦାବି କରାଯାଇଛି । ଦାବି ପୂରଣ ନହେବା ଯାଏଁ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନକାରୀ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
