କେନ୍ଦୁଝର: ଆଜି ମଧ୍ୟରାତ୍ରିରୁ ସାରା ଓଡିଶାରେ ଲାଗୁ ହେବ ଲକ୍ଡାଉନ୍ । ଏହି ଲକ୍ଡାଉନ୍ ପୂର୍ବରୁ କେନ୍ଦୁଝରର ବିଭିନ୍ନ ସ୍ଥାନରେ ପ୍ରଶାସନ ପକ୍ଷରୁ ଗାଡିମଟର ବନ୍ଦ କରଯାଇଛି । ଏହି ବନ୍ଦ ଯୋଗୁଁ ସାଧାରଣ ଯାତ୍ରୀ ହଇରାଣ ହେଉଥିବା ଦେଖାଯାଇଛି ।
କେନ୍ଦୁଝର ଲକ୍ଡାଉନ୍: ହଇରାଣ ହେଲେ ଆଦିବାସୀ ଛାତ୍ରଛାତ୍ରୀ
ଏହି ବନ୍ଦ ଯୋଗୁଁ ଆଜି ହଇରାଣ ହୋଇଛନ୍ତି ଜିଲ୍ଲା ମଙ୍ଗଳ ବିଭାଗ ଅଧିନସ୍ଥ ଅନ୍ବେସା ଛାତ୍ରାବାସର ଅନ୍ତେବାସୀ । ସକାଳୁ ଉକ୍ତ ଅନ୍ତେବାସୀଙ୍କ ପରିବାର ବର୍ଗ ନିଜ ଛୁଆଙ୍କୁ ନେବା ପାଇଁ ଆସିଥିଲେ । କିନ୍ତୁ ଅନ୍ତେବାସୀଙ୍କୁ ଛାତ୍ରାବାସରୁ ଆଣିବା ପରେ ଘରକୁ ଯିବା ପାଇଁ ଗାଡି ମିଳିନଥିଲା । ଫଳରେ ଛାତ୍ରଛାତ୍ରୀମାନେ ଅଭିଭାବକଙ୍କ ସହ କେନ୍ଦୁଝର ବଜାରରେ ଗାଡି ନପାଇ ହଇରାଣ ହୋଇଥିବା ଦେଖିବାକୁ ମିଳିଥିଲା ।
ଏହି ଖବର ପାଇ ଜିଲ୍ଲା ମଙ୍ଗଳ ଅଧିକାରୀ ଉକ୍ତ ଛାତ୍ରଛାତ୍ରୀ ପରିବାର ସହ ଘରକୁ ବ୍ୟବସ୍ଥା କରିବେ ବୋଲି ପ୍ରକାଶ କରିଛନ୍ତି।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
