ଆନନ୍ଦପୁର: ଗଛରୁ ବୃଦ୍ଧଙ୍କ ଝୁଲନ୍ତା ମୃତଦେହ ଉଦ୍ଧାର । କେନ୍ଦୁଝର ଜିଲ୍ଲା ଘସିପୁରା ଥାନା କୋଳିମାଟି ପଞ୍ଚାୟତର ଯାତ୍ରାକୁସୁମ ଗ୍ରାମରେ ଦେଖିବାକୁ ମିଳିଛି ଏପରି ଅଭାବନୀୟ ଘଟଣା ।
ଗଛରୁ ବୃଦ୍ଧଙ୍କ ଝୁଲନ୍ତା ମୃତଦେହ ଉଦ୍ଧାର
ସୂଚନାଅନୁଯାୟୀ ମୃତ୍ୟୁ ବ୍ୟକ୍ତି ଜଣକ ହେଲେ ଝାଡେଶ୍ବର ପ୍ରଧାନ ବୟସ (୬୫) । ଝାଡେଶ୍ବରଙ୍କୁ କିଛି ଦିନ ହେବ ଜ୍ବର ଲାଗି ରହିଥିଲା । ଘରଲୋକ ତାଙ୍କୁ ଡାକ୍ତରଖାନା ଯିବାକୁ କହିଥିଲେ ମାତ୍ର ସେ ଯାଇ ନଥିଲେ ବୋଲି କହିଛନ୍ତି ତାଙ୍କ ଝିଅ । ରବିବାର ସକାଳୁ ଗାଈ ଚରାଇବାକୁ ଯାଇଥିବାବେଳେ ସେଠାରେ ଥିବା ଏକ ଆମ୍ବ ଗଛରେ ରଶି ଲଗାଇ ବୃଦ୍ଧ ଜଣକ ଆତ୍ମହତ୍ୟା କରିଥିବା ଦେଖିବାକୁ ମିଳିଛି ।
ଘଟଣା ନେଇ ସ୍ଥାନୀୟ ସରପଞ୍ଚଙ୍କୁ ଖବର ଦେବାପରେ ଘସିପୁରା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଆନନ୍ଦପୁର ମେଡିକାଲକୁ ପଠାଇଛି । ଏହି ସହିତ ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
କେନ୍ଦୁଝରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
