କେନ୍ଦୁଝର: ରବିବାର 5‘ଟି’ ସଚିବଙ୍କ ସହ ଉନ୍ନୟନ କମିଶନର ଓ ସ୍ବାସ୍ଥ୍ୟ ସଚିବ କେନ୍ଦୁଝର ଗସ୍ତ ସାରି ଫେରିଯାଇଛନ୍ତି । ସେମାନେ କେନ୍ଦୁଝର ମୁଖ୍ୟ ଚିକିତ୍ସାଳୟ ବୁଲି ରୋଗୀଙ୍କ ସହ ଆଲୋଚନା କରିଥିଲେ । ଏହାପରେ ଆଜି ଦୁଇ ଦିନିଆ ଗସ୍ତରେ ଆସି ପହଞ୍ଚିଛନ୍ତି ଜଙ୍ଗଲ ଓ ପରିବେଶ ସଚିବ ତଥା କେନ୍ଦୁଝର ଜିଲ୍ଲା ପ୍ରଭାରୀ ମୋନା ଶର୍ମା ।
ଜଙ୍ଗଲ ଓ ପରିବେଶ ସଚିବଙ୍କ କେନ୍ଦୁଝର ଗସ୍ତ
ସଚିବ ପ୍ରଥମେ କେନ୍ଦୁଝରରେ ପହଞ୍ଚି ଜିଲ୍ଲା ମୁଖ୍ୟ ଚିକିତ୍ସାଳୟ ପରିସର ବୁଲି ଦେଖିଥିଲେ । ସେ ରୋଗୀଙ୍କ ସହ କଥାବାର୍ତ୍ତା ହେବା ସହ ରୋଗୀ ତଥା ତାଙ୍କ ସହଯୋଗୀଙ୍କୁ ଦିଆ ଯାଉଥିବା ଖାଦ୍ୟର ତଦାରଖ କରିଥିଲେ । ମେଡିସିନ, ଆଗାମୀ ଦିନରେ ମେଡିକାଲରେ କିପରି ଭଲ ବ୍ୟବସ୍ଥା ହୋଇ ପାରିବ ସେନେଇ ଚିକିତ୍ସାଳୟ ଅଧିକାରୀଙ୍କୁ ତାଗିଦ କରିଥିଲେ । ସଚିବଙ୍କ ଗସ୍ତ ସମୟରେ ଜିଲ୍ଲାପାଳଙ୍କ ସହ ଚିକିତ୍ସାଳୟର ଅଧିକାରୀମାନେ ଉପସ୍ଥିତ ଥିବା ସୂଚନା ରହିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
