କେନ୍ଦୁଝର: ପାଟଣା ଥାନା ପକ୍ଷରୁ ଏକ ଫାଇନାନ୍ସ କମ୍ପାନୀର ଜନୈକ କର୍ମଚାରୀକୁ ଗିରଫ କରାଯାଇଛି । ଏହା ସହ କର୍ମଚାରୀଙ୍କ ଠାରୁ ଲକ୍ଷେ ପଚାଶ ହଜାର ଟଙ୍କା, ମୋବାଇଲ ସହ ଅନାନ୍ୟ କାଗଜ ପତ୍ର ଜବତ କରାଯାଇଛି ।
ଭିଡିଓ ସୌଜନ୍ୟ : ସମ୍ବଦଦାତା, କେନ୍ଦୁଝର
ସୂଚନା ଅନୁଯାୟୀ ଅଜୟ କୁମାର ସାହୁ ଭାରତ ଫାଇନାନ୍ସ କମ୍ପାନୀରେ କାର୍ଯ୍ୟରତ ଥିଲେ । ଗତ ୧୬ ତାରିଖରେ ପାଟଣା ଥାନା ଅନ୍ତର୍ଗତ ମାଛଗଡ଼ ଅଞ୍ଚଳରୁ ଫାଇନାନ୍ସ ଟଙ୍କା ଲୋକଙ୍କ ଠାରୁ ଆଦାୟ କରି ଫେରୁଥିଲେ । ଏହି ସମୟରେ ତାଙ୍କଠାରୁ କିଛି ଦୁର୍ବୁତ୍ତ ଆଦାୟ ଟଙ୍କାକୁ ଛଡ଼ାଇ ନେଇଥିବା ଅଜୟ ଥାନାରେ ଅଭିଯୋଗ କରିଥିଲେ ।
ପୋଲିସ ଖୋଳତାଡରୁ ଜାଣିବାକୁ ପାଇଥିଲା ଯେ ଅଜୟ ସାହୁ ଆଦାୟ ଟଙ୍କା ନିଜର ସମ୍ପର୍କୀୟଙ୍କ ଘରେ ଲୁଚାଇ ରଖିଥିଲା । ପାଟଣା ଥାନାରେ ଡକାୟତି ହୋଇଥିବା ମିଛ ଅଭିଯୋଗ କରିଥିଲା । ପାଟଣା ପୋଲିସ କମ୍ପାନୀର କର୍ମଚାରୀ ଅଜୟଙ୍କୁ ଗିରଫ କରି କୋର୍ଟ ଚାଲାଣ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
