କେନ୍ଦୁଝର: ଯୋଡ଼ାଥାନା ଅନ୍ତର୍ଗତ ବାଉଁଶ ପାଣି ଜାଟୁଆ ଅଫିସ ନିକଟରୁ ଜଣେ ବ୍ୟକ୍ତିଙ୍କ ମୃତଦେହ ପଡିଥିବାର ଦେଖା ଯାଇଥିଲା । ଏହାକୁ ଦେଖି ସ୍ଥାନୀୟ ଲୋକେ ଯୋଡା ପୋଲିସକୁ ଖବର ଦେଇଥିଲେ। ତେବେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ।
ଜାଟୁଆ ଅଫିସ ନିକଟରେ ମୃତଦେହ ଉଦ୍ଧାର, ହତ୍ୟା ସନ୍ଦେହ
ମୃତବ୍ୟକ୍ତିଙ୍କ ନାମ ବିଶାଲ କୁଜୁର ଓ ଝାଡଖଣ୍ଡ ଅଞ୍ଚଳର ବୋଲି ଜଣାପଡ଼ିଛି । ପୋଲିସର ପ୍ରାଥମିକ ତଦନ୍ତରୁ ଏହା ଏକ ହତ୍ୟା ମାମଲା ବୋଲି ଜଣାପଡିଛି । ବିଶାଲ ବାଉଁଶ ପାଣି ଗ୍ରାମରେ ରହି ଏକ ମାସ ହେବ କାମ କରୁଥିବାର ଜଣାପଡିଛି ।
ବିଶାଲ କୁଜୁରର ମୁଣ୍ଡରେ ଏକ କଟା ଦାଗ ସହ ରକ୍ତ ଲାଗିଥିବାର ଦେଖିବାକୁ ମିଳିଛି । ଘଟଣାସ୍ଥଳରୁ ପୋଲିସ ଏକ କଟୁରୀ ମଧ୍ୟ ଜବତ କରିଥିବା ଜଣାପଡ଼ିଛି । ଯୋଡ଼ା ପୋଲିସ ଘଟଣାର ତଦନ୍ତ ଜାରି ରଖିଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
