କେନ୍ଦୁଝର: 2020ର ପଦ୍ମଶ୍ରୀ ସମ୍ମାନରେ ସମ୍ମାନିତ ହେଲେ କେନ୍ଦୁଝର ଜିଲ୍ଲାର ଦମୟନ୍ତୀ ବେଶ୍ରା । ସାନ୍ତାଳି ଭାଷା ସାହିତ୍ୟରେ ଗବେଷଣା ଓ ଶିକ୍ଷା ପାଇଁ ଦମୟନ୍ତୀଙ୍କୁ ପଦ୍ମଶ୍ରୀ ପୁରସ୍କାର ପାଇଁ ମନୋନୀତ କରାଯାଇଥିଲା । ତେବେ ସେ ପଦ୍ମଶ୍ରୀ ପୁରସ୍କାର ପାଇ ନିଜ ଶ୍ବଶୁର ଘର ଗାଁ ସଦର ବ୍ଲକ ଧନୁର୍ଜୟପୁରକୁ ଆସିବ ପରେ ତାଙ୍କୁ ଭବ୍ୟ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।
ପଦ୍ମଶ୍ରୀ ସମ୍ମାନରେ ସମ୍ମାନିତ ହେଲେ ଦମୟନ୍ତୀ
ସ୍ଥାନୀୟ ଲୋକଙ୍କ ସହ ସାନ୍ତାଳି ସମ୍ପ୍ରଦାୟ ପକ୍ଷରୁ ଦମୟନ୍ତୀଙ୍କୁ ଦିଆଯାଇଥିଲା ଏହି ସମ୍ବର୍ଦ୍ଧନା । ନିଜ ଭାଷାର ଉନ୍ନତି ପାଇଁ ଦମୟନ୍ତୀ ବେଶ୍ରାଙ୍କ ପ୍ରୟାସକୁ ସବୁ ମହଲରେ ପ୍ରଶଂସା କରାଯାଇଛି l ପୂର୍ବରୁ ମଧ୍ୟ ସେ ସାହିତ୍ୟ ଏକାଡେମୀ ପରି ଅନେକସଂସ୍ଥା ଦ୍ବାରା ପୁରସ୍କୃତ ହୋଇ ସାରିଛନ୍ତି l ଏପରିକି ସାନ୍ତାଳୀ ଭାଷାରେ ଏକ ମାଗାଜିନ ପ୍ରକାଶ କରି ବହୁ ପ୍ରଶଂସିତ ହୋଇଥିଲେ ଦମୟନ୍ତୀ । ତେବେ ପଦ୍ମଶ୍ରୀ ଦମୟନ୍ତୀ ବେଶ୍ରା ବର୍ତ୍ତମାନ ବାରିପଦାରେ ପ୍ରଫେସର ରୂପେ କାର୍ଯ୍ୟରତ ଅଛନ୍ତି ।
କେନ୍ଦୁଝରରୁ ସନ୍ତୋଶ କୁମାର ମହାପାତ୍ର, ଇଟିଭି ଭାରତ
