ଆନନ୍ଦପୁର: କୋଭିଡ ଗାଇଡଲାଇନ ଉଲ୍ଲଙ୍ଘନ ମହଙ୍ଗା ପଡିଲା । ଲୁଗା ଦୋକାନକୁ ସିଲ କଲା ପ୍ରଶାସନ । ସଟର ବନ୍ଦ କରି ଚାଲିଥିଲା ବ୍ୟବସାୟ । ଜିଲ୍ଲା ପ୍ରଶାସନ ସିଲ କରିଛି । ମହାମାରୀ କୋରୋନାକୁ ନେଇ ଲାଗୁ ହୋଇଛି ଲକଡାଉନ । ଆନନ୍ଦପୁର ପୌରାଞ୍ଚଳ ଘଷିପୁରା ବଜାରରେ ନୂଆକରି ଖୋଲିଥିବା ରାଜ ମନ୍ଦିର ଫେସନକୁ ଆଜି (ସୋମବାର) ପ୍ରଶାସନ ତରଫରୁ ସିଲ କରାଯାଇଛି ।
କୋଭିଡ୍ କଟକଣା ପାଇଁ ଲକଡାଉନ ଚାଲିଥିବାବେଳେ କେବଳ ଅତ୍ୟାବଶକୀୟ ସାମଗ୍ରୀ ଦୋକାନ ଦିନ ୧୧ଟା ପର୍ଯ୍ୟନ୍ତ ଖୋଲିବା ପାଇଁ ନିର୍ଦ୍ଦେଶ ରହିଛି । ହେଲେ ଆଗକୁ ସାବିତ୍ରୀ ଥିବାରୁ ମୁନାଫା ଆଶାରେ ଦୋକାନୀ ଏସବୁ ଖାତିର କରୁନାହାଁନ୍ତି । ଏମିତି ଜଣେ ଲୁଗା ଦୋକାନୀ ସଟର ଟାଣି ଭିତରେ ବେପାର କରୁଥିଲେ । ଏପରିକି ଗୋଟିଏ ଲୁଗା ଦୋକାନରେ ଏକାଠି ହୋଇଥିଲେ ଦୁଇ ଶହରୁ ଅଧିକ ଗ୍ରାହକ ।
ଖବର ପାଇ ପ୍ରଶାସନିକ ଅଧିକାରୀ ଓ ପୋଲିସ ଟିମ ପହଞ୍ଚି ଲୋକଙ୍କୁ ଦୋକାନରୁ ବାହାର କରିଥିଲେ ଜିଲ୍ଲା ପ୍ରଶାସନ। ଏହା ସହ ଅନିର୍ଦ୍ଦିଷ୍ଟ ସମୟ ପାଇଁ ଦୋକାନକୁ ସିଲ କରିଛନ୍ତି ଜିଲ୍ଲା ପ୍ରଶାସନ । କୋରୋନାର ଦ୍ବିତୀୟ ପର୍ଯ୍ୟାୟ ନେଇ ଜାରୀ ହୋଇଛି ରାଜ୍ୟରେ ଲାଗୁ ହୋଇଛି ଲକଡାଉନ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
