କେନ୍ଦୁଝର: ବାମେବାରୀ ଥାନା ନୟାଗଡ଼ ନିକଟ ନେଙ୍କଡ଼ାପାଣି ଗାଁରେ ଚାଞ୍ଚଲ୍ୟକର ଘଟଣା । ଗୁଣିଗାରେଡି ସନ୍ଦେହରେ ସଂଘଟିତ ହୋଇଛି ଲୋମହର୍ଷଣକାରୀ ହତ୍ୟା । ଦୁଇ ଜଣଙ୍କୁ ନିର୍ମମ ଭାବରେ ହତ୍ୟା କରାଯାଇଛି । ଏହି ହତ୍ୟାକାଣ୍ଡ ପରେ 5 ଜଣଙ୍କୁ ଗିରଫ କରିଛି ପୋଲିସ ।
ନେଙ୍କଡ଼ାପାଣୀ ଗ୍ରାମର ମହିଳା ସୁବାସ ମୁଣ୍ଡା ଓ ତାଙ୍କ ପୁତୁରା ଶଙ୍କର ମୁଣ୍ଡାଙ୍କୁ ନୃଶଂସତାର ସହ ସଂଘବଦ୍ଧ ଭାବେ ହତ୍ୟା କରାଯାଇଛି । ବାମେଵାରୀ ପୋଲିସ ଏହି ହତ୍ୟାକାଣ୍ଡରେ ସଂପୃକ୍ତ ଥିବା ରାମ, ଦାମ, ବିଜୁଙ୍କୁ ମିଶାଇ ମୋଟ 5ଜଣଙ୍କୁ ଗିରଫ କରିଛି । ପ୍ରାଥମିକ ତଦନ୍ତରୁ ଡାହାଣୀ ଓ ଗୁଣିଆ ସନ୍ଦେହରେ ଏହି ଡବଲ ମର୍ଡର ହୋଇଥିବା ସୂଚନା ଦେଇଛି ପୋଲିସ ।
ସୂଚନା ଅନୁଯାୟୀ, ରାମ ମୁଣ୍ଡାଙ୍କ ଝିଅ ଦେହ ବାରମ୍ବାର ଖରାପ ହେଉଥିଲା । ସେ ସୁବାସ ମୁଣ୍ଡାଙ୍କୁ ଡାହାଣୀ ବୋଲି ସନ୍ଦେହ କରୁଥିଲା । ଶେଷରେ ସୋମବାର ଗୁଣିଗାରେଡ଼ି ସନ୍ଦେହରେ ହୋଇଛି ଡବଲ ମର୍ଡର । କିଛି ଲୋକ ସୁବାସଙ୍କ ତଣ୍ଟି ଚିପି ହତ୍ୟା କରିବା ପରେ ଚେତନକୁ ଠେଙ୍ଗାରେ ପିଟି ପିଟି ହତ୍ୟା କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
