ହାତୀ ଛୁଆର ମୃତଦେହ ଉଦ୍ଧାର, କାରଣ ଅସ୍ପଷ୍ଟ

କେନ୍ଦୁଝର ସଦର ରେଞ୍ଜ ବାରବାଙ୍କ ରିଜର୍ଭ ଜଙ୍ଗଲର ଟାଙ୍ଗରବାହାଳି ଗାଁ ନିକଟ ଜଙ୍ଗଲରୁ ଏକ ମାଇ ହାତୀ ଛୁଆର ମୃତଦେହ ଉଦ୍ଧାର ହୋଇଛି।

କେନ୍ଦୁଝର: ହାତୀ ଛୁଆର ମୃତଦେହ ଉଦ୍ଧାର । କେନ୍ଦୁଝର ସଦର ରେଞ୍ଜ ବାରବାଙ୍କ ରିଜର୍ଭ ଜଙ୍ଗଲର ଟାଙ୍ଗରବାହାଳି ଗାଁ ନିକଟ ଜଙ୍ଗଲରୁ ଏକ ମାଇ ହାତୀ ଛୁଆର ମୃତଦେହ ଉଦ୍ଧାର ହୋଇଛି । ଗାଁ ଲୋକେ ଜଙ୍ଗଲରେ ହାତୀ ଛୁଆଟିର ମୃତଦେହ ଦେଖି ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ ଘଟଣା ସ୍ଥଳରେ ପହଞ୍ଚିଛନ୍ତି ।

ତେବେ ମୃତ ହାତୀଟିର ବୟସ ଚାରି ବର୍ଷ ଅନୁମାନ କରାଯାଉଥିବା ବେଳେ ବ୍ୟବଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି ଜଙ୍ଗଲ ବିଭାଗ ପକ୍ଷରୁ କୁହାଯାଇଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ