କେନ୍ଦୁଝର: କୋରୋନା ମହାମାରୀ ପାଇଁ ଦେଶରେ ଲକ ଡାଉନ । ଏହି ଲକ ଡାଉନ ପାଇଁ କାମଧନ୍ଦା ଛାଡି ଲୋକେ ଘରେ ବସି ରହିଛନ୍ତି। ଵିଶେଷ କରି ଆଦିବାସୀ ଅଧ୍ୟୁଷିତ କେନ୍ଦୁଝର ଜିଲ୍ଲାର ଆଦିବାସୀ ମାନେ ସେମାନଙ୍କ ସଂଗୃହୀତ ଲଘୁବନଜାତ ଦ୍ରବ୍ୟ ବିକ୍ରିବଟା କରି ପାରୁନାହାନ୍ତି ।
ଲଘୁବନଜାତ ଦ୍ରବ୍ୟ କ୍ରୟ ନିମନ୍ତେ ଗଡ଼ିଲା ସଚେତନତା ରଥ
ତୃତୀୟ ପର୍ଯ୍ୟାୟ ଲକ ଡାଉନ ସାମନ୍ୟ କୋହଳ ପରେ ଏହି ଲଘୁ ବନଜାତ ଦ୍ରବ୍ୟ ବିକ୍ରି ଆଶା ବଡ଼ିଛି । ଏଥିପାଇଁ ଆଦିବାସୀ ଉନ୍ନୟନ ସଂସ୍ଥା ଏହି ଲଘୁବନଜାତ ଦ୍ରବ୍ୟର ଦର ନିର୍ଧାରଣ କରିଛି । ଗାଁ ଗାଁ ବୁଲି ଏହି ଦର କୁ ଜଣାଇବା ପାଇଁ ଏକ ସଚେତନତା ରଥକୁ ଶୁଭାରମ୍ଭ କରିଛି ।
ଆଦିବାସୀଙ୍କ ଠାରୁ ଉକ୍ତ ଟିଡିସିସି ବିଭାଗ ଲଘୁବନଜାତ କିଣି ବଜାରରେ ବିକ୍ରି କରିବା ନିୟମ ଥିବାବେଳେ କେବଳ ସଚେତନତା ରଥ ଚଲେଇ ନିଜ ଦାଇତ୍ବକୁ ସାରିଦେବା ନେଇ ପ୍ରଶ୍ନବାଚୀ ସୃଷ୍ଟି କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
