କେନ୍ଦୁଝର: ଜିଲ୍ଲାରେ ସିଡିପିଓଙ୍କ ଦୁର୍ବ୍ୟବହାର ଅଭିଯୋଗ । ପ୍ରତି ଅଙ୍ଗନବାଡ଼ି ସେଣ୍ଟରକୁ ପ୍ରଦାନ କରାଯାଉଥିବା ଅର୍ଥରାଶିକୁ ସରକାରୀ ନିୟମ ମୁତାବକ ଅଙ୍ଗନବାଡି ୱାର୍କର ଖର୍ଚ୍ଚ କରିପାରିବେ । କିନ୍ତୁ ଏହି ପ୍ରଦତ୍ତ ରାଶିକୁ ପାଟଣା ବ୍ଲକ ସିଡିପିଓ ମାଗୁଥିବା ଅଭିଯୋଗ ହୋଇଛି । ଏନେଇ ଅଙ୍ଗନବାଡି ସଂଘ ପକ୍ଷରୁ ଜିଲ୍ଲା ସମାଜ କଲ୍ୟାଣ ଅଧିକାରୀଙ୍କୁ ଲିଖିତ ଅଭିଯୋଗ କରାଯାଇଛି ।
ଏହା ମଧ୍ୟ ପଢନ୍ତୁ: ଶ୍ରୀମନ୍ଦିରରେ ପୁଣି ହବିଷ୍ୟାଳିଙ୍କୁ ଦୁର୍ବ୍ୟବହାର ! ଆସନ୍ତୋଷ ହବିଷ୍ୟାଳି
ସାତଦିନ ମଧ୍ୟରେ ପାଟଣା ବ୍ଲକ ସିଡିପିଓଙ୍କୁ ଅନ୍ୟତ୍ର ବଦଳି ନକଲେ ଅଫିସକୁ ତାଲା ମାରି ବନ୍ଦ କରିବାକୁ ଚେତାବନୀ ଦେଇଛି ଅଙ୍ଗନବାଡି ସଂଘ । ଏନେଇ ଜିଲ୍ଲା ସମାଜ କଲ୍ୟାଣ ଅଧିକାରୀଙ୍କୁ ପଚାରିବାରୁ କ୍ୟାମେରା ସାମ୍ନାରେ କିଛି କହିବାକୁ ମନା କରିଥିଲେ ହେଁ ଯଥାଶୀଘ୍ର ପଦକ୍ଷେପ ନେବେ ବୋଲି କହିଛନ୍ତି ।
ଏନେଇ ଅଙ୍ଗନବାଡି କର୍ମୀ କହିଛନ୍ତି ଯେ, "ଆମର ଏବେ ଯିଏ ସିଡିପିଓ ସେ ଆମକୁ ପଇସା ମାଗୁଛନ୍ତି । ପ୍ରତି ଅଙ୍ଗନବାଡ଼ି ସେଣ୍ଟରକୁ ପ୍ରଦାନ କରାଯାଉଥିବା ଅର୍ଥରାଶିକୁ ସରକାରୀ ନିୟମ ମୁତାବକ ଅଙ୍ଗନବାଡି ୱାର୍କର ଖର୍ଚ୍ଚ କରିପାରିବେ । କିନ୍ତୁ ଏହି ପ୍ରଦତ୍ତ ରାଶିକୁ ପାଟଣା ବ୍ଲକ ସିଡିପିଓ ମାଗୁଛନ୍ତି । ଅଙ୍ଗନବାଡି କର୍ମୀଙ୍କୁ ଦୁର୍ବ୍ୟବହାର କରିବା ସହ ଘର ଲୋକଙ୍କ ନାମରେ ଅପଶବ୍ଦ ମେସେଜ ଏନେଇ ଅଙ୍ଗନବାଡି ସଂଘ ପକ୍ଷରୁ ଜିଲ୍ଲା ସମାଜ କଲ୍ୟାଣ ଅଧିକାରୀଙ୍କୁ ଆମେ ଲିଖିତଭାବେ ଜଣାଇଛୁ । ଆମେ ଚାହୁଁଛୁ ଆମର ସମାଧାନ କରାଯାଉ ନତେଚ ତାଙ୍କୁ ଅନ୍ୟ କୌଣସି ସ୍ଥାନକୁ ଅନ୍ୟତ୍ର ବଦଳି କରାଯାଉ ।"
ଇଟିଭି ଭାରତ, କେନ୍ଦୁଝର
