ଆନନ୍ଦପୁର: କୋରୋନାକୁ ମୁକାବିଲା ପାଇଁ ସରକାର କରିଛନ୍ତି ଲକ୍ ଡାଉନ, ସଟଡାଉନ ଏବଂ ଘରେ ରହିବାକୁ ପରାମର୍ଶ । ଫଳରେ ବହୁ ଲୋକଙ୍କର ଜୀବନ ଜୀବିକା ପ୍ରଭାବିତ ହେଉଥିବାବେଳେ ଜୀବନ ବଞ୍ଚାଇବା ପାଇଁ ସମସ୍ତେ ନିୟମ ମାନୁଛନ୍ତି । ଏଥିପାଇଁ ବର୍ତ୍ତମାନ ଅସୁବିଧାର ସମ୍ମୁଖିନ ହେଉଛନ୍ତି କେନ୍ଦୁଝର ଜିଲ୍ଲାର ଘସିପୁରା ବ୍ଲକ ତରୁଆଁ ଗ୍ରାମର ମହିଳା ସ୍ଵୟଂ ସହାୟକ ଗୋଷ୍ଠୀ ।
ସେମାନେ ସ୍ୱାବଲମ୍ବୀ ହେବା ପାଇଁ ବେସରକାରୀ ସଂସ୍ଥାରୁ ଆଣିଥିବା ଋଣକୁ ବର୍ତ୍ତମାନ ସଂସ୍ଥାର କର୍ମଚାରୀମାନେ ଆଦାୟ କରିବାକୁ ଆସି ଋଣ ପରିଶୋଧ କରିବା ପାଇଁ ତାଗିଦ କରୁଛନ୍ତି ବୋଲି ଅଭିଯୋଗ ହେଉଛି । ଫଳରେ ଲକ୍ ଡାଉନ ପାଇଁ ସେମାନେ ନିଜେ କୌଣସି କାମ ନକରି ଘରେ ଅସୁବିଧାରେ ଥିବାବେଳେ ଏପର୍ଯ୍ୟନ୍ତ ମଧ୍ୟ ତାଙ୍କର ଲୋକମାନେ ଘରକୁ ଫେରିନାହାଁନ୍ତି ।
ତେଣୁ ସେମାନେ ବର୍ତ୍ତମାନ କେଉଁଠୁ ଟଙ୍କା ଆଣି ଋଣ ପରିଶୋଧ କରିବେ, ସେଥିପାଇଁ ଆଉ କିଛି ଦିନ ସମୟ ଦେବା ପାଇଁ ଅନୁରୋଧ କରିଛନ୍ତି ଉକ୍ତ ମହିଳା । ଏହାର ପ୍ରତିବାଦରେ ମହିଳାମାନେ ମଙ୍ଗଳବାର ଗ୍ରାମର ରାସ୍ତାକୁ ଅବରୋଧ କରିଥିଲେ । ଆଗାମୀ ଦିନରେ ଯଦି ସମସ୍ୟାର ସମାଧାନ ନହୁଏ ସେମାନେ ରାଜରାସ୍ତାକୁ ଓହ୍ଲାଇବେ ବେଲି ଚେତାବନୀ ଦେଇଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
