ଆନନ୍ଦପୁର: ପାରିବାରିକ କଳହରୁ ଯୁବତୀଙ୍କୁ ଦୁଷ୍କର୍ମ ଉଦ୍ୟମ ସହ ଯୁବତୀ ଓ ତାଙ୍କ ମା'ଙ୍କୁ ମରଣାନ୍ତକ ଆକ୍ରମଣ ଅଭିଯୋଗ । ଗୁରୁତର ଅବସ୍ଥାରେ ଉଭୟ ମା ଓ ଝିଅଙ୍କୁ କେନ୍ଦୁଝର ଜିଲ୍ଲା ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି ।
ଅଭିଯୋଗ ଅନୁଯାୟୀ, ଘସିପୁରା ଥାନା ଖଇଳ ଗାଁର ଇତିଶ୍ରୀ ସାହୁ ସକାଳେ ଘରୁ ଫୁଲ ତୋଳିବାକୁ ଯାଉଥିବାବେଳେ ଗୋପୀନାଥ ସାହୁ ଓ ତାଙ୍କର 2 ଜଣ ପୁଅ ହଠାତ୍ ଇତିଶ୍ରୀଙ୍କୁ ପିଟାମରା କରିବା ସହ ଦୁଷ୍କର୍ମ ଉଦ୍ୟମ କରିଥିଲେ । ଏହାପରେ ସେମାନେ ଇତିଶ୍ରୀଙ୍କ ମୁହଁରେ କୀଟନାଶକ ପକାଇ ଦେଇଥିଲେ ।
ଇତିଶ୍ରୀଙ୍କ ଚିତ୍କାର ଶୁଣି ତାଙ୍କ ମା' ଘଟଣାସ୍ଥଳରେ ପହଞ୍ଚିବାରୁ ତାଙ୍କୁ ଟାଙ୍ଗିଆରେ ଆକ୍ରମଣ କରି 3 ଜଣ ଫେରାର୍ ହୋଇଯାଇଛନ୍ତି । ପରିବାର ଲୋକେ ଗୁରୁତର ଅବସ୍ଥାରେ ମା' ଝିଅଙ୍କୁ ଉଦ୍ଧାର କରି ଆନନ୍ଦପୁର ଡାକ୍ତଖାନାରେ ଭର୍ତ୍ତି କରିଛନ୍ତି ।
ଏନେଇ ଏକ ଏତଲା ଘସିପୁରା ଥାନାରେ ଦାୟର ହୋଇଛି । ଜମିବାଡି ବିବାଦକୁ ନେଇ ଏପରି ଘଟିଥିବା ହୋଇଥିବା ବେଳେ, ଫେରାର୍ ଅଭିଯୁକ୍ତମାନଙ୍କୁ ପୋଲିସ ଖୋଜୁଥିବା ସୂଚନା ମିଳିଛି ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
