ଆନନ୍ଦପୁର: ପୃଥକ ପୃଥକ ଦୁଇଟି ସଡକ ଦୁର୍ଘଟଣାରେ ୩ ଜଣ ଗୁରୁତର ହୋଇଥିବା ବେଳେ ଜଣେ ମହିଳାଙ୍କ ମୃତ୍ୟୁ ଘଟିଛି ।
ସୂଚନା ଅନୁଯାୟୀ, ରାମଚନ୍ଦ୍ରପୁର ଥାନା ଅନ୍ତର୍ଗତ ପାଟସୁରା ଗ୍ରାମର ଶକୁନ୍ତଳା ମିଶ୍ର ରାସ୍ତାରେ ଯାଉଥିବା ବେଳେ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଫଳରେ ସେ ସଜ୍ଞାହୀନ ଅବସ୍ଥାରେ ରାସ୍ତା ଉପରେ ପଡ଼ି ଯାଇଥିଲେ ।
ସ୍ଥାନୀୟ ଗ୍ରାମବାସୀ ତାଙ୍କୁ ସାଇଁକୁଳ ଡାକ୍ତରଖାନାକୁ ନେଇଥିବା ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ଆନନ୍ଦପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ମାତ୍ର ସେଠାରେ ତାଙ୍କର ମୃତ୍ୟୁ ଘଟିଛି ।
ସେହିପରି ଶୁକ୍ରବାର ଭୋଗପୁର ଛକରେ ଆଉ ଏକ ବାଇକ୍ ଦୁର୍ଘଟଣାରେ କୋଡ଼ପଡ଼ା ଗ୍ରାମର ଆଶିଷ ପଲେଇ ଓ ଚାଉଳଝରୀ ଗ୍ରାମର ସୁରମହାରଣା ଓ ସୁଙ୍ଗା ହୋ ନାମକ ବ୍ୟକ୍ତି ଗୁରୁତର ଆହାତ ହୋଇଥିଲେ । ତେବେ ସ୍ଥାନୀୟ ଗ୍ରାମବାସୀଙ୍କ ଦ୍ଵାରା ସେମାନଙ୍କୁ ଆନନ୍ଦପୁର ଡାକ୍ତରଖାନାକୁ ସ୍ଥାନାନ୍ତର କରିଯାଇଥିବା ପ୍ରାଥମିକ ଚିକତ୍ସା ପରେ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
