କେନ୍ଦୁଝର: ଅସାବଧାନତା ଯୋଗୁଁ ଟ୍ରେନରେ କଟି ପ୍ରାଣ ହରାଇଲେ ଯୁବକ । ଏଭଳି ଦୁଃଖଦ ଘଟଣା ଘଟିଛି କେନ୍ଦୁଝର ଜିଲ୍ଲା ବଡବିଲ ପାଲ ହଟିଂ ଅଞ୍ଚଳରେ । ମୃତକ ହେଲେ ରାଜେଶ ମହାନ୍ତ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ଅନୁସାରେ, ରାଜେଶ ଶୌଚ ହେବା ପାଇଁ ଟ୍ରେନ ଲାଇନ କଡକୁ ଯାଇଥିଲେ । ଶୌଚ ସାରି ଫେରିବା ସମୟରେ ବଡବିଲ-ହାୱଡା ଜନଶତାବ୍ଦୀ ଟ୍ରେନରେ ବାଜି ତାଙ୍କ ଡାହାଣ ଗୋଡ କଟି ଯିବା ସହ ମୁଣ୍ଡରେ ଆଘାତ ଲାଗିଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ପାଇ ଘଟଣାସ୍ଥଳରେ ବଡବିଲ ପୋଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
