ଆନନ୍ଦପୁର : ନଦୀରେ ଗାଧୋଉଥିବା ବେଳେ ଅଘଟଣ । ଅସାବଧାନତା ଯୋଗୁଁ ଖସିଗଲା ଗୋଡ । ଫଳରେ ନଦୀରେ ଭାସି ଯାଇଥିଲେ ନାବାଳକ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, କେନ୍ଦୁଝର ଜିଲ୍ଲା ଆନନ୍ଦପୁର ପୌର ପରିଷଦ ପଦ୍ମପୁର ବୈତରଣୀ ନଦୀରେ ମାଙ୍କ ସହ ଗାଧଉଥିଲା ନାବାଳକ ପୁଅ । ହେଲେ ଅସାବଧାନତା ଯୋଗୁଁ ଗୋଡ ଖସି ଯାଇଥିବାରୁ ଭାସିଯାଇଥିଲା ନାବାଳକ ।
ତେବେ ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଥିଲା । ବହୁ ଖୋଜାଖୋଜି ପରେ ଉଦ୍ଧାର କରି ହୋଇଥିଲା ନାବାଳକ । ଫଳରେ ତାଙ୍କୁ ଗୁରୁତର ଅବସ୍ଥାରେ ଆନନ୍ଦପୁର ଉପଖଣ୍ଡ ମେଡିକାଳରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମୃତ ନାବାଳକ ହେଉଛି ପଦ୍ମପୁର ଗାଁର ରମେଶ ସାହୁଙ୍କ ପୁଅ ରୁଦ୍ର ସାହୁ ବୋଲି ସୂଚନା ରହିଛି। ପୋଲିସ ପହଞ୍ଚି ତଦନ୍ତ ଜାରି ରଖିଛି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
