କେନ୍ଦୁଝର: ତେଲକୋଇ ଥାନା ଅନ୍ତର୍ଗତ ବିରବରପୁର ନୂଆଗାଁରେ ଜଣେ ଯୁବକଙ୍କ ଝୁଲନ୍ତା ମୃତଦେହ ଠାବ ହୋଇଛି । ଯୁବକ ଜଣଙ୍କ ହେଲେ ମକାପୁଡା ଗାଁର ପରମେଶ୍ବର ମହାନ୍ତ ।
ପ୍ରେମ ସମ୍ପର୍କକୁ ନେଇ ଯୁବକଙ୍କ ଆତ୍ମହତ୍ୟା ସନ୍ଦେହ
ଶୁକ୍ରବାର ସନ୍ଧ୍ୟାରୁ ଯୁବକ ଜଣକ ନିଖୋଜ ଥିବା ବେଳେ ଶନିବାର ତାଙ୍କ ପ୍ରେମିକାଙ୍କ ଘର ପଛପଟ ଏକ ମହୁଲ ଗଛରେ ଯୁବକଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ପରମେଶ୍ବର ବିବାହିତ ଥିଲେ ମଧ୍ୟ ବିରବରପୁର ନୂଆଗାଁରେ ଜଣେ ଯୁବତୀଙ୍କ ସହିତ ତାଙ୍କର ସମ୍ପର୍କ ଥିଲା । ଏହାକୁ ନେଇ 2ପରିବାର ମଧ୍ୟରେ ଆଗରୁ ତିକ୍ତତା ମଧ୍ୟ ରହି ଆସି ଥିଲା । ତେବେ ମଝିରେ ଏନେଇ ତେଲକୋଇ ଥାନାରେ 2ପରିବାର ମଧ୍ୟରେ ମିଳାମିଶା ହୋଇ ଥିଲା ।
ଏଘଟଣାକୁ ନେଇ ପରମେଶ୍ବରଙ୍କ ପରିବାର ପକ୍ଷରୁ ପରମେଶ୍ବରଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ହୋଇଛି । ତେବେ ପୋଲିସ ତଦନ୍ତ ଜାରି ରଖିଛି ତଦନ୍ତ ପରେ ପ୍ରକୃତ ତଥ୍ୟ ଜଣାପଡିବ ବୋଲି ପୋଲିସ ପକ୍ଷରୁ କୁହାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
