କେନ୍ଦୁଝର: ଲକଡାଉନ ସମୟରେ ରାଜ୍ୟର ପ୍ରତ୍ୟେକ ନାଗରିକଙ୍କ ପାଇଁ ସରକାର 3 ମାସ ପର୍ଯ୍ୟନ୍ତ ଖାଦ୍ୟର ଯୋଗାଡ କରିଛନ୍ତି ସରକାର । ହେଲେ ଏହି ବ୍ୟବସ୍ଥା ମଧ୍ୟରେ ଅଣଦେଖା ହୋଇ ରହିଯାଇଛନ୍ତି ଅନେକ ବୁଲା କୁକୁର ଓ ରାସ୍ତାକଡର ନିରାଶ୍ରୟ ଲୋକେ । ହେଲେ ଏହି ଅସହାୟ ଲୋକଙ୍କ ଦୁଃଖ ବୁଝି ନିଜ ରୋଜଗାର ମୁତାବକ ସେବା ଯୋଗାଇବାକୁ ଆଗେଇ ଆସିଛନ୍ତି ଦୁଇ ସାଥୀ ମହେଶ୍ବର ଓ ଦିଲ୍ଲୀପ ।
ମହେଶ୍ବର ପେସାରେ ଜଣେ ଚାଷୀ ଓ ଦିଲ୍ଲୀପ ଜଣେ ଅଟୋ ଚାଳକ । ସମ୍ବଳ ବେଶୀ ନଥିଲେ ବି ହୃଦୟ ବଡ । ଲକଡାଉନ ପରେ ରାସ୍ତା କଡର ଅସହାୟ ଲୋକ ଓ ବୁଲା କୁକୁରଙ୍କ ଭୋକ ଓ ଶୁଖିଲା ମୁହଁ ଦେଖି ସହି ପାରିନଥିଲେ ଉଭୟ । ଫଳରେ ନିଜସ୍ବ ଉଦ୍ୟମରେ ଉଭୟେ ବୁଲି ବୁଲି ଆରମ୍ଭ କଲେ ରନ୍ଧା ଖାଦ୍ୟ ବଣ୍ଟନ । ଏହା ଦିନେ କି ଦି ଦିନର କଥା ନୁହେଁ, ପ୍ରତିଦିନ ଏହିପରି ରନ୍ଧା ଖାଦ୍ୟ ବାଣ୍ଟନ୍ତି ଉଭୟେ ।
ଲକଡାଉନ ପାଇଁ ରାସ୍ତାରେ ଥିବା ଦୋକାନ ବଜାର ଓ ଢାବା ବନ୍ଦ ଥିବାରୁ ଏମାନଙ୍କୁ ମୁଠେ ଦାନା ମିଳୁନି । ଫଳରେ ଭୋକ ଉପାସରେ ଅତି କଷ୍ଟରେ କଟୁଛି ଦିନ । ଏମିତିରେ ମାନବିକତା ଦେଖାଇ ମହେଶ୍ବର ଓ ଦିଲ୍ଲୀପଙ୍କର ଏହି ଚେଷ୍ଟା ସତରେ ପ୍ରଶଂସନୀୟ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
