କେନ୍ଦୁଝର: ଜିଲ୍ଲା ଟାଉନ ଥାନା ଅନ୍ତର୍ଗତ ବଡ଼ଶାସନ ପୋଖରୀରେ ଘଟିଛି ଅଘଟଣ । ଏହି ଅଞ୍ଚଳରେ ଜଣେ ଯୁବକଙ୍କ ପୋଖରୀରେ ବୁଡି ମୃତ୍ୟୁ ହୋଇଛି । ତାଙ୍କ ନାଁ କୁଲିଆ ପାତ୍ର ବୋଲି ଜଣାପଡିଛି । ଖବର ଅନୁଯାୟୀ ମଙ୍ଗଳବାର ଦିନବେଳା କୌଣସି ଏକ କାମରେ ସେ ବାହାରକୁ ଯାଇଥିଲେ । ଘରକୁ ଫେରିବା ସମୟରେ ଅତ୍ୟଧିକ ମଦ୍ୟପାନ କରିଥିବାରୁ ପୋଖରୀରେ ଗାଧେଇବା ସମୟରେ ତାଙ୍କ ଗୋଡ ଖସି ମୃତ୍ୟୁ ହୋଇଛି ବୋଲି ସନ୍ଦେହ କରୁଛନ୍ତି ଗ୍ରାମବାସୀ ।
ଅପରାହ୍ନରେ ପୋଖରୀରେ ଯୁବକର ମୃତଦେହ ଭାସୁଥିବା ଦେଖି ଅଗ୍ନିଶମ ବିଭାଗକୁ ଜଣାଇବା ପରେ ଉଦ୍ଧାର କରାଯାଇଥିଲା । ଖବର ପାଇ ଟାଉନ ପୋଲିସ ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଦେଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
