କେନ୍ଦୁଝର: ଜିଲ୍ଲାର ସଦର ବ୍ଲକ ଅନ୍ତର୍ଗତ ଠାକୁରପାଟଣା ମୁଣ୍ଡା ସାହିରୁ ୫ ଜଣ ମୁଣ୍ଡା ଶିଶୁଙ୍କୁ ଉଦ୍ଧାର କରିଛି ଚାଇଲ୍ଡ ଲାଇନ । ସମସ୍ତ ଶିଶୁଙ୍କ ଡାକ୍ତରୀ ମାଇନା ପରେ ମୁକ୍ତାଶୟ ଗୃହକୁ ପଠାଇ ଦିଆଯାଇଛି । ସୂଚନା ଅନୁସାରେ, ଗତ ଡିସେମ୍ବର ମାସ ୨୭ ତାରିଖ ସେହି ଗାଁର ଡିକୁ ମୁଣ୍ଡା ନାମକ ବ୍ୟକ୍ତି ନିଜ ସ୍ତ୍ରୀକୁ ପିଟିପିଟି ହତ୍ୟା କରି ଦେଇଥିଲା । ଏହି ହତ୍ୟା ପରେ ତାକୁ ଗିରଫ କରି ଜେଲକୁ ପଠାଇ ଦିଆଯାଇଥିଲା ।
ମାକୁ ହତ୍ୟା କରି ଜେଲ ଗଲା ବାପା : ପାଞ୍ଚ ଶିଶୁଙ୍କୁ ଉଦ୍ଧାର କଲା ଚାଇଲ୍ଡ ଲାଇନ
ଫଳରେ ତାଙ୍କର ପାଞ୍ଚଟି ଶିଶୁଙ୍କ ଲାଳନ ପାଳନ ଦାୟିତ୍ବ ବଡଭାଇ ବୁଝୁଥିଲେ । ହେଲେ ତାଙ୍କ ନିଜର ତିନୋଟି ଶିଶୁ ଥିବା ବେଳେ ସାନ ଭାଇର ପାଞ୍ଚଟି ଶିଶୁର ଭରଣ ପୋଷଣ ବୁଝିବା ସମ୍ଭବ ହେଉ ନଥିଲା । ଏହି ଅସହାୟ ଶିଶୁଙ୍କ ଅବସ୍ଥା ଦେଖି ସ୍ଥାନୀୟ ୱାର୍ଡମେମ୍ବର ଚାଇଲଡ଼ ଲାଇନକୁ ଜଣାଇଥିଲେ । ଏହି ଖବର ପାଇ ଆଜି ସଦର ଚାଇଲ୍ଡ ଲାଇନ ପକ୍ଷରୁ ଏହି ପାଞ୍ଚ ଅସହାୟ ଶିଶୁଙ୍କୁ ଉଦ୍ଧାର କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
