କେନ୍ଦୁଝର: ପୁଣି କେନ୍ଦୁଝର ଜିଲ୍ଲାରେ 32 ନୂଆ କୋରୋନା ଆକ୍ରାନ୍ତ ଚିହ୍ନଟ । ଏହାକୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 278ରେ ପହଞ୍ଚିଛି ।
ଚିହ୍ନଟ ୩୨ ନୂଆ ଆକ୍ରାନ୍ତଙ୍କ ମଧ୍ୟରୁ ୬ଜଣ ବଡ଼ବିଲ, ଜଣେ କୋରୋନା ଯୋଦ୍ଧା, ଦୁଇ ଜଣ ଘରେ ସଙ୍ଗରୋଧ, ଜଣେ ଭୁବନେଶ୍ୱରରେ ଚିକିତ୍ସିତ ହେଉଥିବା ବେଳେ ଅନ୍ୟ ୨୨ ଜଣ ଜିଲ୍ଲାର ବିଭିନ୍ନ ବ୍ଲକ ଟିଏମସିରେ ଥିବା ଜଣାପଡିଛି । ସମସ୍ତ ଆକ୍ରାନ୍ତଙ୍କୁ କୋଭିଡ଼ ମେଡ଼ିକାଲକୁ ପଠାଇ ଦିଆଯାଇଛି ।
ତେବେ ଜିଲ୍ଲାରେ ମୋଟ ୨୭୮ ଆକ୍ରାନ୍ତଙ୍କ ମଧ୍ୟରୁ ୧୪୫ ଆକ୍ରାନ୍ତ ସୁସ୍ଥ ହୋଇଥିବା ବେଳେ 133 ଆକ୍ରାନ୍ତ ଏବେବି ଆକ୍ଟିଭ ଜଣାପଡିଛି । ତେବେ ଗତ ଦୁଇ ଦିନ ମଧ୍ୟରେ ଜିଲ୍ଲାରେ ସର୍ବାଧିକ ୮୦ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
