ବସ ଓଲଟି 15 ଗୁରୁତର

ଯାତ୍ରୀବାହୀ ବସ ଓଲଟି 15ରୁ ଉର୍ଦ୍ଧ୍ୱ ଆହତ । ଆହତମାନେ ତେଲକୋଇ ଡାକ୍ତରଖାନାରେ ଭର୍ତ୍ତି । ବସଟି କେନ୍ଦୁଝରରୁ କଙ୍କଡାହାଡକୁ ଯାଉଥିବା ସମୟରେ ଭାରସାମ୍ୟ ହରାଇ ମଲଣ୍ଡା ନିକଟରେ ଓଲଟି ପଡିଥିବା ଜଣାପଡିଛି ।

କେନ୍ଦୁଝର: ତେଲକୋଇ ଥାନା ମଲଣ୍ଡା ନିକଟରେ ବସ ଓଲଟି ପଡ଼ିବାରୁ 15ରୁ ଊର୍ଦ୍ଧ୍ବ ଯାତ୍ରୀ ଗୁରୁତର ହୋଇ ପଡ଼ିଛନ୍ତି । ଆହତମାନଙ୍କୁ ନିକଟସ୍ଥ ତେଲକୋଇ ଡାକ୍ତରଖାନାରେ ଭର୍ତ୍ତି ହୋଇଛି ।

ଆଜି ସକାଳୁ ଅମ୍ବା ନାମକ ବସଟି କେନ୍ଦୁଝରରୁ କଙ୍କଡାହାଡକୁ ଯାଉଥିବା ସମୟରେ ଭାରସାମ୍ୟ ହରାଇ ମଲଣ୍ଡା ନିକଟରେ ଓଲଟି ପଡିଥିବା ଜଣାପଡିଛି । ବସରେ ଥିବା ଯାତ୍ରୀମାନଙ୍କ କହିବା ଅନୁଯାୟୀ ହଠାତ ଡ୍ରାଇଭରଙ୍କ ମୁଣ୍ଡ ବୁଲାଇବାରୁ ସେ ଷ୍ଟିଅରିଂ ଉପରରେ ଶୋଇ ପଡ଼ିଥିଲେ ଫଳରେ ଗାଡିଟି ରାସ୍ତାକଡ଼କୁ ଓଲଟି ପଡିଥିଲା ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ