କେନ୍ଦ୍ରାପଡା: କାଜୁ ଜଙ୍ଗଲରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର । ମହାକାଳପଡ଼ା ବ୍ଲକ ଜମ୍ବୁ ସାମୁଦ୍ରିକ ଥାନା ଅନ୍ତର୍ଗତ ବିବି କଲୋନୀ ଗାଁ କାଜୁ ଜଙ୍ଗଲୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ମହିଳା ଜଣଙ୍କ ଲୁଣିମାଠିଆ ସବରପଡା ଗାଁର ଗୌରୀ ମଲ୍ଲିକ ଓରଫ ଫକ ବୋଲି ଜଣାପଡିଛି । ତେବେ ଝୁଲନ୍ତା ମୃତଦେହ ପାଖରେ ଭଙ୍ଗା ଚୁଡି ଓ ଚପଲ ଦେଖିବାକୁ ମିଳିଛି । ଯାହାକୁ ନେଇ ହତ୍ୟା ସନ୍ଦେହ କରାଯାଉଛି ।
deadbody
ଅନ୍ୟପଟରେ ଏହି ଘଟଣାକୁ ନେଇ ମୃତ ଗୌରୀଙ୍କ ସ୍ବାମୀ ଜମ୍ବୁ ସାମୁଦ୍ରିକ ଥାନାରେ ଲିଖିତ ଅଭିଯୋଗ କରିଛନ୍ତି । ତାଙ୍କ ଅଭିଯୋଗ ଅନୁଯାୟୀ, ତାଙ୍କ ଘରକୁ ଯିବାଆସିବା କରୁଥିବା ସେହି ଗ୍ରାମର ତିନିଜଣ ବ୍ୟକ୍ତି ତାଙ୍କ ସ୍ତ୍ରୀ ଗୌରୀକୁ ପ୍ରଥମେ ଅପହରଣ କରିଥିଲେ ଏବଂ ପରେ ଦୁଷ୍କର୍ମ କରି ବେକରେ ରସି ଲଗାଇ ଗୌରୀକୁ କାଜୁ ଗଛରେ ଝୁଲାଇ ଦେଇଛନ୍ତି। ଏନେଇ ଜମ୍ବୁ ମେରାଇନ ପୋଲିସ ଘଟଣାର ତଦନ୍ତ କରୁଥିବା ସୂଚନା ମିଳିଛି।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
